Hafoin tiha maratona de diskusaun maka'as entre elite politiku sira, nebe halo tensaun maka'as, ikus mai V Governo Konstituisional halo tomada de posse, iha dia 8/8/12, iha salaun Nobre, Lahane, Dili.
Biarkarik ba ita hotu hare'e katak iha sociedadi sivil, media massa (tempo semanal, sst) no opinioes pessoais sirkula barak iha Facebook tamba konsidera V Governo Konstituisional hanesan Oligarkia, ou, uza sistema maun-alin, familiarismu, etc, maibe, ikus mai, PR Taur Matan Ruak fo'o tomada de posse ba membro V Governo Konstituisional, periode 2012-2017. Iha diskursu nia laran, PR Matan Ruak husu atu "governante sira servisu ho efisiensia hodi servi Povo Timor".
Nudar sidadaun Timor, desejo tebe-tebes progresso diak ba rai Timor. Maibe, desejo ne'e so bele realiza bainhira Timor oan hotu-hotu iha vontade no planu diak ba sira nia-an, ba familia, ba sociedadi no ba nasaun.
Independensia signifika oportunidadi. Ida ne'e signifika Timor oan hotu-hotu iha oportunidadi atu moris hanesan (igualdadi) iha rai doben Timor. Timor oan hotu-hotu iha direitu hanesan atu hetan oportunidadi iha moris loro-loron. Labele kria discriminasaun, labele hamosu injustisa sosial, fo'o benefisiu hanesan ba ai-han, ba be mos, ba ahi lakan, ba transporte, saude, edukasaun, justisa, etc.
De Faktu, iha desafios barak iha oin. Laos fasil. Tamba, funu iha Timor destroi maka'as liu Timor oan ninia mentalidadi do que aspetu territorial (fiziku). Ne'e duni, tenki kria mentalidadi foun. Dala ida tan laos fasil, klaru. Maibe, iha mos oportunidadi foun barak. Ida ne'e signifika oportunidadi atu muda Timor oan nia moris.
Servir ita nia-an, servir ita nia familia, sociedadi no nasaun. Ida ne'e maka dalan ba Progressu.
Parabens ba V Governo Konstituisional, periode 2012-2017.
Parabens ba V Governo Konstituisional, periode 2012-2017.
Boa leitura.
Celso Oliveira
No comments:
Post a Comment