My photo
Um escritor, um poeta, um aventureiro,

Wednesday 28 August 2013

FURAK TIMOR



La fiar karik,
Diak liu haka'at ba Timor.
Hosi dok senti tasi nia is...
Laloran Timor lori mos hanoin furak konaba Timor.

Manu fuik nebe fo'o lian murak hosi dok.
Rai nakukun hela maibe laran ne'e naroman los,
Hodi simu lian be-ala sira nian.

Iha tasi ibun ne'e hau la mesak.
Maibe, laloran tasi ibun hamaluk hau,
Manu fuik hamaluk hau.

Be-ala sira sei hamnasa no haksolok.
Tamba laloran tasi ibun halo furak rai Timor. 

Nota: Foto no Versus autoria C.O

Thursday 22 August 2013

Lisaun Iha Moris

Ohin dader hau dada lia ho hau nia belun diak nain rua. Ida iha Filipina maka padre Venancio Pereira S.J no ida seluk maka poeta Abe Barreto iha Timor Leste. 

Ho padre Venancio Pereira S.J ami koalia konaba oinsa familia ida-ida hari'i rasik sira nia bibliteka familia nian -alias- halo investimentu maka'as ba labarik sira, ba oan sira. 

Iha mundu nebe kadavez sofistikada tamba teknolojia nebe la para hatudu sira ninia poder, hau hanoin importanti ba Timoroan mantein identidadi nudar povo nebe iha ninia historia rasik. Ne'e duni, hasa'e vontade le'e halo parti importanti tebes iha mundu global tamba liu hosi leitura (ou daya membaca) bele loke ema ninia hanoin. Tamba ne'e mak padre Venancio Pereira S.J fo'o hanoin ida mai ita hotu konaba oinsa familia ida-ida em vez de hatudu sira nia aspektu fiziku deit, nusa mak la halo investimentu ba oan sira, ba labarik sira liu hosi kriasaun biblioteka familia nian rasik. Iha konversa nebe intimo, ami loke hanoin ba malun konaba critical thinking nebe presija tebe-tebes atu fanun ita ninia sociedadi nebe oras ne'e daudaun hetan krisi moral. Konserteza laos tarefa ida fasil. Maibe, se familia ida-ida komesa hanoin hari'i biblioteka familia nian rasik, halo investimentu maka'as ba oan sira, hau hanoin iha futuro ita bele evita krisi moral nebe mosu iha Timor. 

Ida seluk, hau dadalia ho lia-nain ou poeta ou penyair Timoroan Abe Barreto iha Timor Leste nebe ami koalia konaba oinsa uza Literatura Timor sai hanesan meius ida atu introduz lalais iha sociedadi Timor hodi bele loke Timoroan ninia hanoin ou kakutak.

Iha konversa ho lia nain Abe Barreto ami koalia mos konaba konstroi uluk familia nebe diak molok hanoin atu konstroi sociedadi em jeral. De faktu, iha realidadi ita hasoru ema barak maka prefere koalia konaba interesse nasional embora sira ninia an rasik sei rungu-ranga. 

Ne'e duni, Literatura Timor bele sai hanesan dalan diak ida atu bele hadia fila fali familia ou sociedadi em jeral nebe oras ne'e hetan krisi. Dala ida tan konserteza ida ne'e laos tarefa fasil. Maibe, se lian nain ou hakerek nain Timoroan sira tu'ur hamutuk hodi hadia Literatura Timor, hau hanoin iha futuro bele salva sociedadi hosi krisi moral nebe oras ne'e mosu.

Konversa sira ne'e hotu baze hosi ami nia vizaun ida deit konaba Identidadi Nasional -alias- familia ida diak, hobby de leitura, literatura Timor, defende Lian Nasional no seluk2 tan halo parti iha Defesa Identidadi Nasional. 

Iha hau ninia silensiu, hau senti sorti tamba Timor Leste moris ona iha Estabilidadi nia laran. Agora, oinsa Timoroan uza Estabilidadi nebe iha hodi preense faze Dezenvolvimentu Nasional? Resposta iha ema ida-ida nia liman laran. 

Obrigado,

C.O

Wednesday 7 August 2013

Conversa....wkwkwk


Português: Você está cansado?
Timorense: Não. Não sou casado. Sou solteiro.
Português: A morada?
Timorense: Dentro da Banana (Hudi Laran).
Português: Fala a lingua portuguesa?
Timorense: Não, eu falo Portugal.