My photo
Um escritor, um poeta, um aventureiro,

Thursday 19 November 2015

Dom Carlos Filipe Ximenes Belo Vizita Timoroan iha Peterborough, UK


 Premio Nobel da Paz 1996 Dom Carlos Filipe Ximenes Belo halo vizita ba komunidadi Timoroan iha sidade Peterborough, UK duranti loron tolu hosi 10-13 de Novembro hodi komemora loron Juventude Nasional no tinan 24 Masacre Santa Cruz.
Duranti loron tolu iha Peterborough, Dom Ximenes Belo halo refleksaun hamutuk ho familia no klosan sira, halo vizita ba eskola katolika, vizita sidadi Peterborough, Katedral Peterborough, Burghley House Stamford no hasorun malun ho autoridadi local no Timoroan barak.

Tempo Halo Refleksaun

Iha dia 11 de Novembro, tuku 5-6 kalan, iha Igreja St. Peter and All Soul’s, Dom Ximenes halo refleksaun hodi koalia konaba historia uluk nian no fo’o mensagem ba familia no klosan sira atu bele sai lao-rai diak no sucesso. Marka prezensa iha kalan refleksaun 11 de Novembro timoroan barak nebe hela iha sidadi Peterborough hodi sunu lilin ba memoria matebiam hotu, liu-liu heroi 12 de Novembro 1991 sira.

Misa 12 de Novembro 2015

Ema atus rua resin tuir missa nebe halo iha Igreja St. Peter and All Soul’s, Peterborough, UK. Sarani katolika Timoroan sira hosi sidadi Bristol, Oxford, London, Great Yarmouth no fatin seluk2 tan partisipa iha serimonia ida ne;e.
Duranti homilia, Bispo Carlos Belo koalia konaba historia rai barak nebe halo funu hakarak ukun rasik-an no husik hela mensagem ba foin sa’e sira “Husu ba foin sa'e sira atu kontinua ho espirito 12/11 hodi halao dezenvolvimento, paz no justisa ba povo no hametin unidade. Nune ini prepara-an didiak atu aban bainrua kaer fali destino povo Timor Loro Sa’e. Ba imi tomak hau nia kumprimentos no hakuak bo’ot”.
Misa bo’ot ne’e halo tuir tradisaun Timor nian akompanya ho dadolin, dansa tradisional no knanauk Timor nian. Misa hotu tuir kedas han hemu iha Reception Room, Town Hall. Partisipa iha han hemu ne’e autoridadi hosi City Council, Polisia, padres, madres no grupo komunidadi sira seluk.


Rekonhese Dom Carlos Belo Ninia Luta

Rekonhese luta nain no bibi atan Dom Carlos Filipe Ximenes Belo, Nobel da Paz 1996, ninia luta nebe nia halo no husik hela ba rai no povo Timor hodi hetan Ukun Rasik-an, Assosiasaun Timor iha Peterborough hodi komunidadi Timor hotu nia naran liu hosi ninia Presidenti Celso Oliveira fo’o lembransa no premio hanesan dalan ida hodi rekonhese ema nebe sai testemunha moris ba luta Timor nian. Award ne’e fo’o iha kalan konvivo hafoin tiha misa 12 de Novembro 2015. Marka prezensa iha kalan konvivo nebe halo iha Town Hall maka autoridadi local hanesan City Council, Polisia, padres, madres no komunidadi sira seluk.





Assosiasaun Timoroan iha Peterborough

Assosiasaun Timor iha Peterborough “East Timorese Association of Peterborough” primeira vez konvida Nobel da Paz 1996 Dom Filipe Belo hodi halibur hamutuk ho komunidadi Timor iha Reino Unido.
Assosiasaun hamrik desde 2010 ho objektivo atu halibur Timoroan sira i atu organiza eventos, seminario, workshop no seluk-seluk tan.