Partidu UDT iha lideransa Gilman Santos nian, oras ne'e halo historia foun no marka passu importanti iha panorama politika Timor Leste nian.
Nudar partidu historiku, UDT (União Democrática Timorense) nebe moris iha 11 de Maio 1974, UDT halo historia barak ona iha Timor Leste. UDT uniku partidu nebe luta kontra komunismu iha tempu neba, i, ohin loron kontinua fo'o kontribuisaun ba estabilidadi no dezenvolvimentu nasional iha Timor Leste.
Kontinua ho politika konsolidasaun no reajustamentu, ohin loron UDT prepara ninia kuadru politiku hosi nasional toó baze hodi bele partisipa ativa iha eleisaun foun rua nebe sei akontese iha tinan oin, 2012, maka eleisaun presidensial no lejislativa.
Iha eleisaun presidensial, UDT fo ona apoio ba Brijen Taur Matan Ruak nebe kandidatu-an iha fulan hirak liu ba nudar kandidatu independenti.
Iha fali eleisaun lejislativa, UDT sei haka'as-an hodi hetan kadeira balun iha PN hodi nune bele luta ba hasa'e valor moris ema Timor nian, hodi bele partisipa aktiva iha estabilidadi no dezenvolvimentu nasional, i, liu-liu rekonhese martires sira nebe mate tamba Timor.
Celso Oliveira
No comments:
Post a Comment