Anin nia is,
Ai han nia morin,
Labarik kiik nia haksolok,
Inan sira nia harohan,
Bandeira Nasional nia nabilan,
Knananuk furak do'ok hosi hau fatin,
Ema nia hadomi malun hakbesik hau-an ba rai TIMOR,
Ohin, loron Liberdadi no Ukun Rasik-an.
Celso Oliveira, loron 30 fulan Agosto tinan 2009
Caro Poeta Celso Oliveira:
Hau nia cumprimentos.
1. Timor oan tomak, namkari iha mundo rai-klaran, sei hanoin hikas loron 30 fulan Agosto tinan 1999. Iha loron nebá, Timor oan sira, ho aten berani habesik-an ba fatin votasaun, atu hili opsaun Indpendência ka Integração. Ema wain (87,5%) hili ona Indpendendicia, eh Ukun Rasik-an. Momento ida nebá, momento ida importante tebes, tan ba ho sira nia voto, sira muda tiha História rai Timor Loro Sa'e nian. Loron hirak tuir 30 de Agosto de 1999, ema barak terus: hare sira nia uma naksobu, em sunu...balu kanek, balu mate, balu halai ba foho, balu halai ba rai seluk. Maibé ikus mai, Rai Timor Loro Sa'e sai duni LIVRE no INDEPENDENTE. Buat nee hotu akontese tan ba Timor oan sira fiar ba sira kbiit rasik, fiar ba Naseosn Unidas, fiar Na'i Maromak, no ba Nai Feto Virgm Maria.2. Buat nebé Timor oan sira hein, mak "benefícios" de Desenvolvimento tem que to'o ba Timor oan tomak: "sa'ude", "educação", "justiça", transportes" e buat sira hanesan: uma, ha-han, hatais, bee, ai-moruk. Habadak lia deit bele dehan, Timor oan sira precisa liu "justiça social". Tinan sanulu ona hanesan Rai ida que independente, Timor Leste labele iha ema nebé riku liu, no ema nebe kiak liu. Ita hotu-hotu iha Dignidade. Iha Tmor Loro Sa'e, labele iha Minoria nebé sai "Liurai Boot" no Maioria nebe sai ATAN ka DEPEDENTE iha nivel social, político, cultural e económico, tan ba, ho Referendo, Povo Tomak Independente ona!!!
3. Ita comemora Tinan 10 Referendo iha Timor Leste, hodi agradece ba Nai Maromak tan ba grasa Indpendencia no Liberdade. Maibé ita tomak sei serbisu nafatin atu harii Dame, Jutisa no Progressu ba Povo Tomak.
Viva Timor-Leste!
Amo Bispo Carlos Filipe Ximenes Belo
Belun Celso Oliveira,
Hau la iha biban atu hakerek kona ba tinan sanulu halo liu tiha consulta popular Timor Leste nian, maibe hau hakarak tatoli netik lia fuan oan ruma ba maun alin Timoroan sira, BAINHIRA COMEMORA 10º ANIVERSÁRIO CONSULTA POPULAR TIMOR LESTE NIAN:
MAUNALIN TIMOROAN SIRA, IHA RAI TIMOR LESTE LARAN, EH NAMKARI LEMO-LEMO IHA MUNDO RAI KLARAN!
MAI ITA HO MALU, BAKU MATAN BA KOTUK, HARÉ TO’OK BA, BUAT SIRA NEBE MAI TERIK ITA MORIS HORI-ULUK, HALO ITA HARÉ MALU MATAN LA MÓS, HALO ITA NIA RAIN LA’O LA LOS!
MAI ITA HAMUTUK ONA KAIR KNAR BADINAS, BA LORON OHIN, WAIN OHIN, BIAR SEI SUSAR, SEI MATAK, SEI KBAR, ATU HADIA DAUDAUN BA, HATOK DAUDAUN BA, LORON OHIN TIMOR LESTE NIAN, LORON ABANBAINRUA DIAK LIU TAN!
TIMOR LESTE NIA KBIT HO BERAN TO'O RESIN ATU BO'AS HANESSAN NASSAUN BOOT IDA, TUBA RAI METIN IHA RAI SELUSELUK SIRA KLARAN, HOLIAN NAKLIKI BA MUNDO TOMAK:
AMI TIMOROAN! AMI MAK NEE!
AMI NIA POVO! AMI NIA RAIN!
AMI UKUN ONA, UKUN RASIK AN
IHA TIMOR LESTE NIA LARAN!
Obrigado.
Um abraço.
maluk doben,ho ita nia poeta,nee haburas ba no hametin ita nia unadade iha ita nia rai doben,rai nebe ita nia ran fakar fatin.kaer liman hamutuk hodi halao ita nia decemvolvimento.abracos
ReplyDeleterai timor furak no diak tebes maio ita hotu.
ReplyDeletehare ba maun alin sira, buka matenek halo barak.fila ba hodi hari itania rain Timor Leste nebe kiik,nia persija tebes ita hotu nia kontribui.
toó ona ba loke imi matan ba, lalika hare ba imi kabun deit, maibe hare ba sira nebe tanis tan hamlaha,hakilar tan moras,hakilar tan selu sira nia oan sira atu ba iskola,iah nebe los Timor nebe ita hakilar hamutuk, iha nebe los lia nebe dehan ita mate hamutuk?
to ona ba, husik ona ba,hare mos ami nebe kiak,tamba rai Timor ita hotu nian,tamba mate ami kiik mak fakar ran, imi boot liras iha para semo, ami la husu buat bot, diak, no osan,maibe hapara ba imi sira nebe nauk povo nia osan.
Viva Timor Leste
Ho Laran ksolok hau nudar timor oan nebe laiha lian no liras moris iha rai matebean, hakarak hatene rejultadu Desenvolvimento tinan 10 nia laran ne to'o ona iha nebe? Estrada ba baje apoio kala ita haluhan ona.Mate ruin sei nakonu iha neba mas dalan la to'o hodi familia sira ba ke'e ruin sira ne'e.Lideransa Nacional sira keta haluhan fatin istoriku ida ne'e(baje apoio matebian 1977/1979)
ReplyDeletefurak tebes liafuan nee kapas no ho beran duni espiritu patriotismu makas nafatin
ReplyDeleteAbracos
VIVA TIMOR LESTE
East Timor's independence is the culmination of the struggle of all, this is an opportunity for residents to enjoy and live in an atmosphere and sufficient conditions, independent does not mean freedom from everything and no longer fight, to let us all keep fighting to free our country from poverty, injustice , both personal and sosial.oleh I therefore argued that:Everyone has to deal with difficult people, whether they are argumentative, abusive, stubborn, or combative. The question is, how can you assert your own rights without creating an unnecessary incident?In most cases, angry people are screaming to be heard. They want to be valued, loved, and listened to. They want to feel important but aren’t able to express themselves constructively.peace and all good
ReplyDeleteViva Timor LESTE
poejia karik ema balun nebe foin hetan dehan ema ida ne koalia hela maibe isin toba dukur hela klamar ma koalia, i nune mos ba ema nebe sempre le i rona poejia dehan Poejia sempre sai inspirasaun, sai matenek, ba ema ida atu loke ema nia kakutak hodi buka naroman ba nia mehi, ba nia dlan i ba nia moris loron2 nia,,nebe obrigado barak na poeter sira maromak fo bensa
ReplyDelete