“Pessoa Ansiosa e mentirosa com o TITULO COMPRADO” quo vadis valor educacao?

Hosi: Pe. Venancio da Costa Pereira, S.J. 

Iha mundo ida be moderno tebes ho alta tecnologia hanesan ita moris daudaun ba ne’e, ita hakarak buat hotu “instant” deit  eh lalais deit, tamba ne’e  maka  dala  barak ita usa  dalan terik eh dalan corta eh jalan tikus. Tamba ne’e maka moris iha mundo educativo nian mos, ema  halo fali  educacao ne’e  hanesan  bisnis atu hetan osan lalais, atu hetan gelar eh titulo lalais no atu bele riku lalais. Ema iha inclinacao eh “kecenderungan”  atu hetan sucesso lalais deit, entaun nune’e ema mos  halo fali “BISNIS LIU HUSI MUNDO EDUCATIVO NIAN”. Ne’ebe ema iha fali inclinacao atu hetan gelar eh titulo lalais deit. Nomos, atu hetan izasah eh diploma  husi escola SMP, eh SMA nian ou  bele mos Izasah Universidade nian, liu husi  HALO  FALI  IZASAH  FALSU no  simu Diploma  no  GELAR  COMPRADO NIAN!   

FOLIN  PROCESSO EDUCATIVO NIAN IHA NEBE? Sa tan Inan – Aman Balu rasik, maka suporta no consciente sira nia oran rasik  nebe maka sei iha hela kelas 2  ka  kelas 3  SMP  ou  SMA   atu bele sosa  lalais oan nia Izasah eh Diploma SMP ka SMA nian ne’e (halo izasah falsu, depois selu ema ida be halo ne’e), hodi nune’e,  oan ne’e bele ba lalais ona escola iha universidade hodi  foti eh hetan  lalais ona ba, diploma ruma. Coitado,  base educacao ida hanesan ne’e,  laiha liu ninia  folin no laiha liu NINIA DIGNIDADE.  Escola SMA eh SMA deit LA  HOTU,  maibe iha ona izasah SMA nian. “Pada hal”,  pessoa ne’e  eh  ema ne’e,  iha hela capacidade financas nian nebe maka sufficiente, nomos  iha inteligencia base oituan, para  halo  hotu  eh remata ho didiak  ninia periodo educativo  SMA nian ne’e  ho diak. Maibe tamba ansi lalais (tamba ida bot ona, tamba hakarak lalais ona hetan diploma husi universidade para – bele ona servico, no bele ona kaben lalais karik), entaun  nune’e  dalan terik eh dalan corta  ida  be contra consciencia humana no contra valor educativo  ne’e mos,  ema  bele  halo no halao, seim senti culpado “eh merasa bersalah kah guilty”. 

Hau hanoin  diak  liu,  ita  buka  qualidade nebe maka diak no profundo eh klean ida,  do que ita hakarak goza   lalais deit  ho izasah/diploma eh GELAR ka TITULO COMPRADO sira ne’ebe maka la  corresponde ho  ema nia qualidade educativo ne’e rasik….

Processo educacao ne’e  halo ema atu sai matenek no sai sabio eh bijaksana liu tan iha moris,  laos be “finalidade educacao nian ne’e”  atu halo fali ema  atu sai rico lalais deit  ou sucesso lalais deit….  Diak  liu ita terus  lai, iha processo tomak educativo nian liu husi estudos serio, investigacao sira eh research sira nebe maka profunda, maka depois ita haksolok no goza moris ne’e  ho maneira ida  digna no livre, do que sai  ema “COMPRADOR dos Titulos no COMPRADOR  DIPLOMA nian fali”.

Diak liu  iha moris ne’e ita  buka “profundidade do que  ita goza lerek  titulo kah gelar  nebe  maka mamuk, tamba ITA SOSA deit”.   Ita  sai fai “pessoa mentirosa  intelectualmente”  entaun nune’e, gelar eh titulo ita nian ne’e:  “TITULO  SOSA nian deit”.

Folin  educacao eh educativo nian ne’e  iha nebe?

Fim