Ema bolun sira ho naran Professor Doutor!!!!
Hmmm hau tu'ur iha komputador nia oin nebe iha marka nebe konhesidu iha mundu. Maibe ema nebe halo komputador laos Professor Doutor. Infelizmente, iha hau nia rain TIMOR nebe foin ukun rasik-an, oras ne'e nakonu ho titulo akademiku Professor Doutor.
Ema sira ne'e senti orgulho tebes ho titulo Professor Doutor nebe sira hetan hosi sociedadi, hosi media i hosi povo zezinho nebe lahatene le i nein hatene hakerek. Se karik titulo Professor Doutor sira ne'e mai duni hosi kapasidadi akademika nebe sira iha, hau hanoin ne'e laos problema. Maibe, infelizmente titulo sira ne'e apenas titulo deit tamba nein Professor Doutor sira ne'e hatene uza Komputador nebe halo hosi ema nebe mak la iha titulo Professor Doutor. Tamba sa mak akademikus sira iha Timor Leste gosta uza titulo Professor Doutor? Tamba sa mak akademikus Timoroan sira atu iha kapasidadi akademika ka la iha, atu iha general knowledge ka la iha, maibe orgulho ho titulo Professor Doutor?
Ema mestri antigu sira nebe sai hosi kolegiu konhesidu iha Timor, bolu kolegiu Soibada, ema sira ne'e la iha titulo Professor Doutor, maibe, ema sira ne'e iha matenek nebe bo'ot liu Professor Doutor ohin loron nian. Sira ninia matenek mak ohin loron forma lideres politikus i relijiosus barak iha Timor Leste.
Professor Doutor ohin loron nian devia banati tuir dalan nebe mestri antigu sira hanorin ou husik hela.
Celso Oliveira
No comments:
Post a Comment