Iha Natal, ema hotu-hotu preokupa fo'o presenti ba malun. Balun fo'o kartaun Natal, balun fo'o sasan, balun hato'o lia fuan furak liu husi internet (face book, hi5, email's), telemovel no seluk-seluk tan.
Ema balun, sira hakerek kartaun Natal nune: um bom ana novo. Ou, balun hakerek nune: tinan foun diak iha 210 (em vez 2010). Laos lahatene hakerek, maibe ho ansiedadi, dalabarak ita hakerek sala. Ne'e buat ida normal.
Hau visita maluk ida nia uma. Nia prepara arroz marisco. Maibe laos hanesan bai-bain, molok atu hasai arroz marisco, hau nia maluk dehan kedas nune: "bele hasai arroz marisco, maibe han deit maka arroz, marisco hasai tiha. Tamba marisco seidauk tasak".
Ba Timor oan, tinan-tinan Natal lori: rekordasaun, reflesaun, forsa, unidadi, rekonsiliasaun, domin, haksolok no dame.
Tinan ida ne'e, Timor oan iha Peterborough selebra Natal hamutuk iha loron 25 iha bar ida nia laran. Han, hemu no dansa to'o dadersan.
Dala ida tan Natal diak ba imi hotu.
Nota: Foto google image
Celso Oliveira
No comments:
Post a Comment