Trabalhadores Timor oan iha Inglaterra besik atus tolu (300) halibur hamutuk iha cidade Peterborough iha loron 30 fulan Maio hodi selebra tinan 7 loron independensia Timor Leste nian. Iha festa ida ne'e mosu mos ema portugueses, guinenses, brasileirus, polacos, lithuanias, kurdistauns, afrikanus no seluk tan maka halibur hamutuk ho Timor oan sira hodi rona muzika Timor nian no han ai-han Timor nian. Festa halo iha salaun East Comunity Centre hahu tuku 5 lokoraik to'o tuku 12 kalan.
Festa ida ne'e realiza hosi kontribuisaun Timor oan hotu iha cidade Peterborough nebe konsege hetan osan total 1900 pounds (ekivale 2900 $USA).
Tinan rua dala ida Timor oan iha cidade Peterborough halibur hamutuk hodi selebra loron ukun an Timor nian.
Timor oan besik atus rua (200) maka hela iha Peterborough. Labarik Timor oan barak maka oras ne'e moris no eskola iha cidade Peterborough. Fim
Bele hare video iha: http://www.youtube.com/watch?v=IExI1U9h5Zg
Celso Oliveira
Lao lemo rai buka servisu...hodi hadian economia familia, no economia rai Timor Leste. Maibe sentimento nasionalismo hanesan Timor oan iha fuan laran nafatin.
ReplyDeleteHein katak loron ida governo Timor Leste tau atensaun ba ninia sidadaun mak lao lemo rai hodi buka moris ho sira nia esforsu rasik. Governo Timor Leste tenki tau Embaisada ou Consulado General ruma iha Inglatera. Mesmo que ita nia maluk sira nee ba neba ho pasaporte uniao europeia maibe sira Ema-Timor Leste.
Inisiativa hanesan nee diak tebes para hametin ita nia fraternidade no ita nia kultura Timor.
Ita hari ona embaisada balu iha rai lior maibe iha embaisada balu mak ita hari iha rai hanesan Mosambiqi nebe ita nia ema timor oan la hela iha neba, so ema ida rua deit...tansa ita la tau iha Inglatera? karik tan Alkatiri nia ferik oan hela iha nebe ho nune Tenki hari Embaisada para nia fen bele Embaisadora hodi halo servisu uma laran nian deit...embaisada hanesan representasaun formal nasaun nian nebe ninia funsaun boot hanesan atende nesesidade sidadaun no desenvolve ita nia kultura no relasaun ho nasaun rai nain.
Governo Timor Leste tenki rekonhese ita nia maluk timor oan sira nee tan sira contribui ona hamenus todan governo asume desemprego no fulan fulan sira haruka osan mai familia hanesan remitens, no aumenta rendemento domestiko.
Bito
Viva Timo Leste
Parabens ba itaboot nebe ho inisiativa no esforsu rasik atu sai trabailadhor iha nasaun seluk.
ReplyDeleteHau hanoin halo ona esforsu barak atu hametin relasaun external ho UK maibe Governu UK rasik la iha intensaun firmi atu hametin relasaun ida nee. Buktinya, sira dada sira nia embaixada iha DILI no tau fali iha Jakarta.
Hau hanoin mos Timor Leste presiza halo relasaun biliateral ho nasaun hotu. maibe ita tenke kongratula Governu TL tau importansia ba Nasaun nebe ajuda barak liu TL liu-liu nasaun CPLP nian hanesan Portugal, Brasil, Angola, Mozanbique etc. Se relasaun ba nasaun hirak nee mak la diak, hau hanoin sai trabailador iha UK no Ireland liu Passport EU mos karik sai mehi deit kolega sira nebe agora dadaun iha nasaun rua nee.
Tuir dadus katak Timor Leste iha agentes policias balun iha Mozanbique tuir treinamentu intensivu atu officias PNTL. see ida nee mak los ita la presiza discredit fali ita nia governu anterior nebe tau Sra. Alkatiri nudar ambaixadora iha neba.
Nee duni hau hanoin seidauk too tempu atu realiza mehi ida karik. Ita hein deit tempu balun tan !!!!
Hello Todos,,
ReplyDeleteArticle Ida ne fo exemplo Diak tebes ba Timor Oan iha Nasaun nebe deit iha Mundu ne,,
Inglatera la iha inerese boot mai Timor- Leste no rai kik ida ho populasaun uituan ninia poulasaun la mai timor se mai karik ema ida ga rua dt hanesan turista. no mos nia la hlo investimento iha Timor ho nune nia tarik nia emabaisada ba Indonesia. Maibe ita timor mak iha interese ho nian tan ita nia trabailhador sira ba servisu iha neba, ho nune ita presiza atu buka hakbesik ba nia la os nia mak buka ita.
ReplyDeleteBa maluk sira iha England parabens ba imi nia iniciativa simbolica ida ne'e...! Ita precisa rede ida nebe ligat Timor oan hot-hotu iha Mundo. Entidade ida atu halibur Timor oan hotu halo dialogo "nahe biti boot" liu husi mundi-digital...! Ami hein katak imi atus tolu (300) resin ne'e bele kria rede ida nebe forte hodi dada mos Timor oan sira wit-oan nebe hela iha fatin seluk iha europa...ásia no áfrica!
ReplyDeletehakoak boot ba imi. servidu diak, haré saude, haoin Timor!
DAT BERE
Maske Timor oan barakliu iha Reinu Unidu iha pasaporte portuges, Portugal la bele promove Timor Lese nia interes iha Reinu Unidu.
ReplyDeleteEma brazileiru barak iha Reinu Unidu iha pasaporte italianu ka alemaun, maibé Brazil iha ninia embaixada rasik nafatin!
Mezmu Reinu Unidu la iha embaixada iha Dili ona, ne'e la arti Timor Leste la tenke tau embaixada iha Londres. Purezemplu, Singapura la iha embaixada iha Olanda, maibe Olanda iha embaixada iha Singapura.
Timor Leste tenke sai PROAKTIVU no promove AN iha Reinu Unidu, iha komersiu, investimentu, no turizmu. Ema britaniku gosta visita rai iha Azia, la hanesan ema portuges.
Hau haoin maluk ida ikus nia comentario ne´e dirige ba ema ruma que la sala estado Timor karik? Embaixada bele loke haré factor de interesse no prioridade husi 1 to´o 100. Kona ba buat seluk hanesan promocao turistika, investimentu, komersio...lalika husu ba sira laran tan matan tomak. Imigrante oan sira qualificado iha england ka Irland bele hanoin oinsá promove Timor Leste iha área tolu ne´e: Turismo, Comercio no invstimento...basa imi iha liras semo mai Timor no semo ba UK!
ReplyDeleteSegundo ponto, se imi ninia interesse genuina duni entao halo nucleo de trabalhadores UK nian hodi bele halo investimentu konkrit ruma iha Timor...selae! ita koalia deit. Estado mak sala hela deit. Ita nebe koalia haluha-an tiha!
DAT BERE
Hau hanoin ita koalia katak halo promosaun ba envestimento ou relasaun bilateral bele inisiativa rasik hosi maluk sira iha UK lalika hein ba estado timor nee idea diak maibe ita tenki hanoin bele oin sa mos meios official mak iha reconhesemento, nee duni fila fali hau nia lia hun katak ita nia governo tenki hahu ho nia presensa official pois mak hetan ajudus hosi ita nia maluk timor nebe mak iha neba.
ReplyDeleteBuat ligasaun estado ho estado iha nia dalan protocolu la os buat privadu uma laran para ita konhese malu bele lao ona.
P. FERNANDEZ 18 DE JULHU 2013.
ReplyDeleteHATO HAU NIA HAKOAK BO'OT AMI HOTU IHA NASAUN EUROPEU I SPECIAL IHA ENLATERA HAU HANESAN IMI NIA MALUK TIMOR OAN IDA IHA TIMOR LESTE, NE'EBE HADOMI TEBTEBES IMI HOTU TAMBA DE'IT ITA NIA RAIN UKUN AN KAMPO DE TRAVALHO NEDUNI HODI KOLEGA SIRA HALA'O SIRA NIA AKTIVIDADE HODI BUKA MORIS SUSTENTA SIRA NIA FAMILIA UMA LARAN NO HAS'E VIDA EKONOMIKU NIA N IHA EMA NIA RAIN...................OBRIGADU WA'IN I ABRASU