Timor oan iha sidadi Peterborough, Inglaterra, hasoru malu ba dahuluk ho padre David no madre Mary hosi parokia Peterborough iha loron sabadu (30/01) hodi koalia konaba oinsa Timor oan bele integra sira-an iha aktividadis kultural no sosial iha Igreja no iha sidadi Peterborough.
Duranti halibur hamutuk ne'e, parti rua koalia konaba estrutura Timor oan hodi halo kontaktu ho autoridadi iha Peterborough, selebrasaun loron 20 de Maio hanesan loron bo'ot nebe halibur Timor oan lao rai sira, aprende lian ingles no kultura inglesa no liu-liu koalia konaba integrasaun Timor oan iha sidadi Peterborough.
Iha halibur malun informal ne'e, padre David no madre Mary promete atu kontinua fo suporte ba Timor oan sira hodi bele organiza-an iha komunidadi ida nebe diak, nebe partisipa iha atividadis iha Igreja no iha sidadi Peterborough.
Timor oan lubun ida (liu atus ida) hela iha Peterborough entre familia, klosan no labarik kiik sira. Klosan sira servisu hanesan trabalhador iha fabrika i labarik kiik sira eskola desde pre-primaria to'o eskola sekundaria.
Desde Timor Leste hetan liberdade iha loron 30 fulan Agostu tinan 1999, Timor oan barak husik hela rai Timor hodi buka moris hanesan trabalhador iha Inglaterra, Irlanda no fatin seluk.
Celso Oliveira, housi Inglaterra ba jornais sira iha Timor Leste
Hanesan Timoroan ida, ha'u nia laran ksolok tebetebes ho novidade ida ne'e. Ita Timor oan tomak namakri iha nasao sira seluk tenki hakaas an atu integra iha sociedade ka koimunidade nasaun ne'ebe simu ita. Ha'u hein katak ho imi nia hahalok no serbisu makaas la'os imi deit maibe liliu imi nia oan sira sei sai dia'k liu tan aban bainrua.
ReplyDeleteBaa oin nafatin!