Poezia Nebe Koalia Hodi Hau Naran

(Ida) SE NA'I MAROMAK FO'O NAROMAN MAI ITA,

ITA TENKI BUKA NAROMAN SELUK FO'O FALI BA NIA.

Se Na'i Maromak fo'o ona matenek mai ita,

Ita tenki buka fatin diak fo'o fali ba Nia.

Ita tenki buka naroman hodi halo lakan Nia fatin.

Iha nakukun nia laran, Na'i Maromak nia fatin tenki hetan naroman.

Na'i Maromak nia fatin labele nakukun.

Tenki iha naroman ida leno nafatin Nia fatin.

Tamba matenek nebe ita iha, mai hosi Na'i Maromak.

(Rua) TITULU LAIHA

Ema iha foho, tau Na'i Maromak iha fatin diak no los.

Ita iha sidadi, tau Na'i Maromak iha fatin arbiru deit.

(Tolu) NA'I NIA FATIN TENKI A'AS LIU ITA

Na'i Maromak nia fatin labele badak.

Labele badak liu ita.

Na'i Maromak nia fatin tenki a'as.

A'as liu ita ema.

Ita koalia ho Na'i Maromak tenki hateke ba leten.

Tamba Na'i Maromak mak fo'o bensaun mai ita.

(Hat) KOALIA HO NA'I MAROMAK

Kuandu ita iha problemas,

Koalia ho Na'i Maromak.

Nia rona,

Nia fo'o dalan,

Liu hosi ita nia hanoin,

Liu hosi ita nia hahalok.

Ita nunka atu bele dehan la fiar Na'i Maromak.

Celso Oliveira, gosta hakerek dadolin no historia badak Timor nian.