My photo
Um escritor, um poeta, um aventureiro,

Saturday, 30 July 2011

Parlamentu Nasional Bele Sai “Ponte” Bá Neo-Kolonializmu Kulturál

Hakerek Na’ain:
Henrique de Corte-Real Araújo*

Tuir Konstituisaun RDTL art. 95º., kompete ba PN atu halo lei, nomós PN bele autoriza Governu halo lei, tuir art. 96º.

Hó autorizasaun PN nian Governu, liu husi DL No.19/2009, aprova tiha Kódigu Penál Timor-Leste nian.

Iha Kódigu Penál ne’e, iha art.154º. nebe’e koalia konabá “maus tratos a cônjuge” (ezemplu: fe’en hó la’en baku malu – Violénsia Doméstika), ne’e krime públiku katak, wainhira fe’en hó la’en baku malu, polísia bele bá kaer kedas sira no halo prosesu lori bá tribunál.

Iha lisan Timor nian VD ne’e krime semí-públiku (laós krime-públiku). Krime semí-públiku katak, wainhira fe’en ho la’en baku malu, buka rezolve úluk iha família láran. Labele-ona, foin lori bá autoridade judisial atu rezolve.

Lisan Timor nian ne’e hala’o kédas husi beiala sira to’o ohin lóron.

Tinan átus bá átus, Portugés sira respeita hela lisan ida ne’e. Igreija Katólika iha Timor mós lá-táka dálan.

Hó mudansa iha Kódigu Penál, nebe’e VD hanesan krime semí-públiku sai fali krime públiku, ne’e viola lisan Timor-nian iha oin rua.

Iha Direitu Kostumeiru Timor-nian iha prinsípiu jurídiku rua nebe’e Timor-oan sira ka’er métin héla hanesa lei-inan hodi rezolve problema VD:

1. Bikan hó kanúru tarútu iha uma láran, keta hatáma Ó nia kanúru tóhar iha le’et.

2. Héna fo’er fási iha uma-láran.

Timor-oan sira nia lisan (Direitu Kostumeiru) ne’e lá-hakérek (tidak tertulis). Maibé sira ka’er iha prinsípiu sira ne’e hodi halao justisa. Ne’e mak bele bolu prinsípius jurídikus ou prinsípius jerais.

Tuir teoria Direitu nian (ilmu hukum), prinsípius jerais ne’e fonte de direitu katak, husi/ka’er iha prinsípius sira ne’e Ema bele halo lei. Laós wainhira halo lei ida, viola fali prinsípius sira ne’e rasik, hanesan akontese daudaun iha Kódigu Penál Timor-Leste nian, art.154º. konabá “maus tratos a cônjuge”

Hó ezemplu ida ne’e, wainhira Ita lá-atentu (matan dúkur), PN bele sai fali ponte ida hodi harí fáli neo-kolonializmu kulturál iha Timor-Leste.

PN haláo daudauk konsulta iha fátin balu (laós iha fátin hotu-hotu) konabá Projetu Kódigu Sivíl Timor-Leste nian. Kódigu Sivíl (KS) ne’e hanesan lei-ínan nebe’e sei regula povu nia vida, hahú ema ida móris to’o mate. KS ne’e regula konabá:

· Kontratu / negósiu (Direito das Obrigações);

· Ema nia sasán: ra’i, úma, karéta, nsst. (Direito das Coisas);

· Harí uma-ka’in no máluk : família, parente, oan-hakiak, banin, rian (Direito da Família);

· Relasaun ema máte hó ema móris: se’e mak iha direitu atu héla hó rikusoin (Direito das Sucessões).

Husi KS ida ne’e mak PN bele defende lisan Timor nian, bele-mós hamáte Timor nia lisan, hodi fo’o fatin bá lisan rai séluk nian (neo-kolonializmu kulturál).

Tamba Projetu KS nebe’e PN halao konsulta daudaun ne’e mai husi KS Portugál nian, wainhira Timor-oan sira dúkur hela, KS Timor nian sei hamáte/halákon lisan balu (barak karik?) Timor nian rasik.

Hanesan ezemplu (contoh):

1) Definisaun konabá Kazamentu, iha art.1467º. Projetu KSTL:

“Casamento é o contrato celebrado entre duas pessoas de sexo diferente que pretendem constituir família mediante uma plena comunhão de vida.”

Iha definisaun ida ne’e lá-dehan katak káben para atu hetan oan. Tamba hanesa ne’e mak husi definisaun ida ne’e, iha Portugal, lei hatán-ona kazamentu omosexual kátak, mane hó mane, feto hó feto bele káben.

Iha Timor mós “casamento” laós kontratu. Iha Timor, contrato (kontratu) ne’e katak fán-sosa sasán iha loja, merkadu, no iha nebe’e deit. Iha Timor “casamento” bele dehan “acordo” katak, hatán-malu atu harí uma-kain, laós kontratu.

Tamba ne’e, hakerek nain halo definisaun oin seluk para, sé-bele kárik, hatama iha KSTL nian:

“Casamento é um acordo celebrado entre duas pessoas de sexo diferente que pretendem constituir família mediante plena comunhão de vida e procriação, afim de dar continuidade às suas gerações e à sobrevivência de Uma-Fúkun.” Katak, Kazamentu ne’e, feto ida ho mane ida hatán-malu atu harí uma-kain (família) hodi buka móris hamutuk ho diak iha sira nia vida tómak no hétan oan, atu jerasaun ninian lá-móhu no Uma-Fúkun lá-lákon.

2) Colacção – art. 1971º. PCCTL

“Os descendentes que pretendem entrar na sucessão do ascendente devem restituir à massa da herança, para igualação da partilha, os bens ou valores que lhes foram doados por este.” Katak, wainhira inan (aman) mate, oan sira nebe’e hakarak fahe rikusoin, sei halibur fila fali sasán nebe’e inan (aman) fó hela bá sira, hodi fahe fila fali hanesan (bagi rata) ba oan hotu-hotu.

Ida ne’e lao tuir lisan mala’e nian. Timor nia lisan oin-seluk.

Iha família Mamba’e nia lisan mak hakerek-nain hatene hanesan ne’e:

- Sasan nebe’e inan-aman, wainhira sei móris, fó ona bá oan-ruma (feto ka mane), ne’e hela ona bá sira. Rikusoin nebe’e inan-aman lá-fahe, hela bá oan-mane sira mak administra (toma konta). Oan-mane bele fó mós bá feton sira.

- Oan-feto sira wainhira káben, bá-ona hamótuk hó sira nia káben, hodi harí uma-kain foun iha máhon Uma-Fúkun la’en nian, lá iha fátin atu administra fáli rikusoin inan-aman nian. Tamba ne’e, oan-mane sira mak hela hó rikusoin sira ne’e, atu bele administra hodi hamétin nafátin lisan iha sira nia Uma-Fúkun láran.

- Oan-mane sira mak iha responsabilidade tómak atu hakoi inan-aman nó beiala sira iha jerasaun Uma-Fúkun nian, hakoi tuir lisan Timor nian. Oan feto sira sei bá ajuda deit.

- Oan-mane sira mak iha obrigasaun atu harí Uma-Lisan/Uma-Lulik. Laós oan-feto sira.

- Hó razaun sira ne’e mak rikusoin inan-aman nian húsik hela bá oan-mane sira mak administra.

- Mala’e sira nia lisan oin-séluk fáli. Rikusoin inan-aman nian sira fáhe hotu kedas. Tamba sira lá-íha Uma-Fúkun. Sira lá hakói-mate no laiha Uma-Lúlik.

Iha Konstituisaun RDTL art.2º. No.4, prevé tihaona atu iha lei ida hodi regula konabá Direitu Kostumeiru Timor-nian. Ita hatene katak Governu no PN iha serbisu bárak atu hálo maibé, liu-tiha tinan 10 ona, tamba-sá mak to’o agora lei ne’e seidauk iha? Keta halo-bá, polítikus nó ukun na’in bálu hanoin atu halákon kultura Timor nian hodi fó fátin fáli bá kultura rai-liur-nian.

Iha doutrina Direito nian (ilmu hukum), dehan: wainhira laiha lei, laiha krime. Tamba laiha lei ida atu proteje kultura Timor nian, matenek-nain sira bele aproveita atu halakon Povu nia kultura hodi fó fatin bá kultura ema seluk nian. Ne’e mak dehan Neo-kolonializmu kulturál.

KS Timor-nian atu regula vida Timor-oan sira nian, tamba-sá mak lá-kualia kona-bá lisan Timor-oan sira nian, hanesa:

· Barlake, Fetosán-Umáne, Hakoi-máte, Tára-bándu, nsst.

· Barlake hala’o iha Timor laran tómak, dalaruma simples deit (sederhana) maibé halao duni iha nebe’e-nebe’e deit.

· Fetosán-Umáne hala’o iha Timor laran tómak, família husi fetosán no umáne sira respeita malu maka’as.

Prova (bukti) ida mak iha krize 2006/2007 nebe’e hanaran “krize lorosa’e-loromonu”, ema família fetosán-umáne husi lorosa’e no loromonu haré-malu diak nafatin.

Lisan sira ne’e iha nia aspetu positivu barak, nomós iha aspetu negativu, vantajen no desvantajen. Tamba-sá mak KS ne’e lá-haré kédas oinsá mak buka halákon kédas ida nebe’e lá-diak, no habúras ida nebe’e diak? Tamba kultura ne’e Ita nian nánis. Ne’e mak lao tuir konseitu “Ukun-Rasik-A’an”.

Ne’e duni, distintus Deputadus sira nebe’e halo rezisténsia no túba-rai-métin iha tinan 24 nia laran ne’e, keta “dukur” demais. Iha Projetu KS ne’e, iha artigus balun nebe’e béle hamáte Ita nia lísan. Núdar Timor-oan nebe’e representa povo iha PN, iha obrigasaun morál atu defende nafatin lísan Timor-nian, bainhira lisan ne’e sei kontribui nafátin bá unidade familiar, paz no estabilidade iha rai laran. Wainhira PN sai fali ponte hodi harí Neo-Kolonializmu Kulturál, ne’e viola fali prinsípiu “Ukun-Rásik-A’an” Timor-Leste nian.

Obrigado.

Díli, 20 de Junho de 2011

* Hela iha Motael-Díli

Sunday, 17 July 2011

Manu Lin Uza Sinelus Bele Tu’ur iha Fiu Tutun

Manu lin uza sinelus tu’ur iha fiu ida nia leten. Fiu la shoke manu lin tamba manu lin uza sinelus. Poste sira nebe uza hodi dada fiu, mesak tuan deit. Iha sidadi nebe komplexa ho problemas oi-oin, fiu sira nebe fo ahi ba uma ida-idak, repartisaun ida-idak, kios, igreja, merkadu, komesa hatudu sinal presija halo renovasaun. Fiu mesak tuan, liga rungu-ranga, bele koloka problema ba ema nia moris.

Iha lokoraik ida, kuandu hau sai servisu, hau hare’e manu lin barak mak tu’ur iha fiu leten. Hau husu ba hau nia maluk nebe hasai kursu engenheiru iha area eletrisidadi. Nia hatan nune: “tamba manu lin uza sinelus”.

Resposta badak maibe aserta.

Ne’e duni, hau nanok hodi hamnasa iha laran deit.

To’o iha uma, hau hateten ba hau nia-an rasik nune: “so manu lin deit kuandu nia uza sinelus mak bele tu’ur iha fiu nia leten,. Klaru, manu lin hirak ne’e, hateke ba ema nebe lao iha fiu nia okos, manu lin sira ne’e sei hamnasa mesak-mesak”.

***

Problemas sira nebe mak ohin loron próprio membru governu atual (governu AMP) rekonhese hanesan falta kadeira iha eskola, falta merenda ba labarik sira, eletrisidadi mate-lakan, korupsaun no seluk-seluk tan, laos tamba governu atual deit nia sala. Maibe, tamba opozisaun rasik mak ladiak, la hatene halo kontrola lolos ba governu nia lalaok.

Tamba opozisaun la diak maka governo nia ema, maski sira hatene katak korupsaun buat ida krimi, violasaun direitus humanus buat ida krimi, iregularidadi buat ida krimi, maibe sira kontinua halo nafatin.

***

Timor Leste iha 2012 sei realiza eleisaun 2. Presidensial no lejislativa. Oras ne’e daudaun, ita akompanya iha media massa, partidu ida-idak komesa halo kampanye iha teritorio tomak. Buka hametin sira nia baze hodi halo promessa oi-oin.

LSM, Igreja Katolika no Sociedadi sivil halo kritika liu hosi seminariu, workshop, debate konaba tema oi-oin hodi kontra governu atual nia lalaok maibe haluha tiha partidu oposizaun ninia sala.

Bainhira ita akompanya ritmu politiku iha Timor Leste, bele hasai konkluzaun ida katak opozisaun nia papel maka laos kontrola governu nia lalaok maibe konsidera governu atual inkonstitusional, ilegítimu i tenki hatu’un lalais iha tempu badak.

Oinsa papel ou funsaun hosi opozisaun pos-eleisaun 2012? Kestaun ida merese hetan atensaun hosi Timor oan hotu-hotu.

Se pos-eleisaun 2012, mak partidu sira nebe sai opozisaun kontinua buka hatu’un deit governu ida lejitimu iha tempu badak nia laran, entaun difisil atu hanorin demokrasia ba povo Timor.

Opozisaun nia papel maka ne’e: tenki kontrola manu lin nebe ita ema hatene katak fiu perigu ba nia moris, maibe kuandu manu lin sira ne’e uza sinelus diak, foun no forti, entaun sira sei tu’ur livre iha fiu tutun.

Celso Oliveira, gosta hakerek historia badak no dadolin ema Timor nian.

Wednesday, 13 July 2011

FRETILIN 2012. Derrota ka Suksesu?

Iha buat 2 mak hau atu hakerek.
Primeiru Pontu, konaba pakote uniku (Mari Alkatiri no Lu Olo) nebe sai hanesan kandidatu uniku iha kongressu Fretilin nebe sei realiza iha fulan Agostu 2011.
Ita hotu sei lembra, iha fulan hirak liu ba mosu kampanya konaba ema se-se mak sei lidera partidu Fretilin periode 2011-2016. De faktu, publiku iha interesse atu hatene figura politiku foun atu hamrik iha partidu historiku nia oin. Tamba, duranti kampanya, Fretilin hateten beibeik katak "atu hatudu demokrasia ba povo Timor, Fretilin sei apresenta pakote 2 ou 3". Maibe, iha realidadi, depois de promessas no kampanyas oi-oin, finalmente, Fretilin avansa deit ho pakote 1 maka Mari no Lu Olo.
Fretilin la iha tan figura seluk?

Kestaun lideransa hanesan kestaun ida seriu tebes iha partidu nia laran. Partidu ida bele naran bo'ot to'o iha nebe, halo historia barak-barak, maibe kuandu lideransa la diak, entaun partidu ne sei monu.

Kongressu Fretilin nian nebe realiza iha fulan Agostu, laos atu buka lideransa foun, tamba, ita hotu-hotu hatene tiha ona ema se-se mak sei lidera Fretilin iha periode 2011-2016. Tuir hau nia hare'e, kongressu agora apenas atu trasa estratejia/planu foun hodi avansa iha eleisaun jeral 2012. Maibe, oinsa maka Fretilin bele hetan estratejia/planu foun, se Fretilin kontinua ho lideransa antiga?

Segundu pontu, hau sei hakerek konaba Fretilin abandona plenariu kuandu PM Xanana Gusmao apresenta PDN.

Hahalok ida la devia akontese iha tempu aktual. Iha kazu barak maka akontese iha governu AMP nia laran, i, Fretilin nudar partidu opozisaun la foti medida seria. Por exemplo: korupsaun.

Korupsaun nebe maka'as iha Timor, duranti ne'e Fretilin la husu halo censura hasoru governu AMP ou abandona plenaria se karik governu la seriu resolve korupsaun iha Timor.

Hahalok nebe foin daudaun Fretilin hatudu hodi abandona plenariu kuandu PM Xanana Gusmao apresenta PDN, mostra (1) inkapasidadi lideransa, (2) falhansu iha kalkulu politiku, i, (3) derrota politika.

Lusa, 13 de Julho
O embaixador de Portugal em Timor-Leste, Luís Barreira de Sousa, transmitiu hoje, em nome do Governo Português, o apoio ao Plano Estratégico de Desenvolvimento (PED) apresentado pelo primeiro-ministro timorense, Xanana Gusmão.

Ferid Belhaj, jornal independenti, 13 de Julho
Programa lubuk ida ne’ebe hakerek iha Planu Estratejia Dezenvolvimentu Nasional (PEDN) pozitivu, maibe kestaun importante atu halo susesu planu ne’e mak kestaun kapasidade membru guvernu atu ezekuta, dehan Country Diretor Banku Mundial, Ferid Belhaj.

jornal nacional diario, 13 de Julho
R Horta lakontenti ho atetude bancada FRETILIN iha Parlamentu Nasional (PN) ne’ebe kuandu aprova PEDN halai sai tiha husi Plenaria.

“La divia Bancada FRETILIN abandona PN, mesmu lakonkorda mos labele abandona, kontinua iha ne’eba, bele kontinua depois sira nia direitu la vota nein abstensaun, maibe partidipa laos abandona fali PN,” hirus PR Horta.

Maske nune’e, PR Horta dehan, Bancada FRETILIN iha rajaun para hirus governu tanba dokumentu ne’e foin maka intrega iha loron hira liu ba, iha fim de semana, laiha tempu para estuda, bele lori fulan ida para hotu-hotu bele estuda didiak, nune’e FRETILIN bele konkorda.

PR Horta rasik fo apoiu 100% ba PEDN ne’ebe PN aprova ona, tanba ne’e refleta duni povu tomak nia hakarak.

“Hau PEDN ne’e PM Xanana fo hau estuda iha fulan kotuk ona, ne’ebe pagina hira iha PEDN ne’e hau hatene hotu ona, e hau apoiu 100% PEDN ne’e,” dehan Xefe estadu.



Celso Oliveira


Tuesday, 12 July 2011

OS PRIMEIROS PADRES CARMELITAS DESCALÇOS TIMORENSES


No dia 16 do corrente mês serão ordenados presbíteros dois Timorenses: o Diácono Nuno Pereira, natural de Suai, e o Diácono Noé Danilo Aleixo Martins, natural de Dare (Dili).

Depois da profissão na ordem dos Carmelitas Descalços, o nosso irmão Nuno passou a chamar-se Frei Nuno Pereira da Cruz, e o irmão Noé passou a chamar-se Frei Noé Danilo Aleixo Martins de Santa Teresa Benedita da Cruz. Eles são os primeiros timorenses a entrar na Ordem dos Carmelitas Descalços (OCD).

Em Timor-Leste já existem os carmelitas “calçados”, ou seja, os frades Carmelitas da Antiga Observância (O.Carm). Têm casas em Zumalai e Hera (Dili). Os padres timorenses da Ordem dos Carmelitas da Antiga Observância (O.Carm) são: Padre Augusto Sampaio da Costa, O.Carm, Padre Aniceto Maria da Costa, O.Carm, Padre Nelinho A. Ferreira Soares, O.Carm, Padre Manuel Almeida da Costa, O.Carm.

Em Hera foi fundado um convento de Freiras Carmelitas Contemplativas na década dos anos 90 do século XX. As Irmãs Carmelitas (OCD) provinham do Convento de Lembang, Bandung e de Bajawa (Flores).

A Ordem do Carmo (originariamente chamada Ordem dos Irmãos da Bem-Aventurada Virgem Maria do Monte Carmelo) é uma ordem que surgiu no fim do século XI. A Regra do Carmo foi sistematizada e proposta por Santo Alberto, Patriarca de Jerusalém, e, aprovada pelo Papa Honório III em 1226.

Um santo Carmelita, que foi, por muitos anos, Padroeiro do Colégio de Soibada, é São Nuno de Santa Maria (Nun’Álvares Pereira, o Santo Condestável).

A Ordem do Carmo (Carmelitas Descalço, com a sigla OCD) é uma ordem fundada em 1593, e resulta da reforma do carisma carmelita realizada por Santa Teresa de Ávila e São da Cruz. Nesse ano o Papa Clemente VIII concedeu autonomia ao ramo dos carmelitas Descalços.

No ramo feminino, esta nova ordem “produziu” muitas santas, entre as quais se destacam: Santa Teresinha do Menino Jesus (Teresa de Liseux), Santa Teresa dos Andes, Santa Teresa Benedita da Cruz (Edith Einstein), Santa Maria Madalena de Pazzi, Santa Isabel da Tindade, etc).

Os Diáconos frei Nuno Pereira da Cruz, OCD, e Frei Noé Danilo A.M. de Santa Teresa da Cruz, OCD, serão ordenados sacerdotes pelo Senhor Bispo do Porto, Dom Manuel Clemente, no Convento de Avessadas – Marco de Canaveses pelas 16h00.

Aos neo-presbíteros apresentamos os nossos sinceros votos de Parabéns e desejos de um fecundo apostolado na Vinha do Senhor.

Porto, 12 de Julho de 2011.

Dom Carlos Filipe Ximenes Belo