My photo
Um escritor, um poeta, um aventureiro,

Saturday 24 October 2015

Open Day

Oras ne'e universidadi sira iha UK halo ona Open Day. Ne'e katak saida? Open Day hanesan oportunidadi osan mean ba estudanti (nebe tinan oin atu tama universidadi) no sira ninia familia atu hatene konaba perspectivas, programas, atividades, cursos ou mapa geral universidadi nian. 

Informasaun provide hosi universitarios ou staff ou docentes sira nebe mak prontu atu fo'o advice ou programas ba estudanti no sira ninia familia. Ema sira ne'e sempre prontu atu hatan qualquer perguntas nebe mosu konaba kursos nebe mak estudante sira gosta atu halo. Ema sira ne'e halo demonstrasaun liu hosi projetor ou halo diskusaun konaba buat hotu nebe mak estudanti ho sira ninia familia presiza hatene. Informasaun konaba Campus, Kursus, kusto moris, libraria, etc.

Estudantis ho sira ninia familia bele atende kursus no hare'e rasik fasilidadis nebe maka universidadi ne'e provide. Ho ida nune mak estudanti ho sira ninia familia bele iha ideia geral diak ida konaba universidadi ne'e relevanti ba sira k lae. 

Estudanti ho sira ninia familia bele percorre universidadi lima k nen hodi assisti Open Day. Normalmente Open Day ne'e halo iha loron diferenti entre universidadi ida2.

Ida ne'e programa nasional. Ne'e duni, muito bem organizado. 

Nota: Open Day ne'e funsiona mos iha eskola primaria i secundaria. Por exemplo: se tinan oin labarik A hosi eskola primaria B atu tama ba eskola sekundaria C. Tinan ida ne'e labarik A ho nia familia ba tuir Open Day iha eskola secundaria C. Maibe, molok atu ba eskola sekundaria C, labarik A ho nia familia hetan uluk surat ida hosi eskola primaria B ou City Council (Dep. eskola primaria i sekundaria) hodi fo'o opsaun 3. Ida, eskola sekundaria nebe besik kedas area hela fatin ou residensia. Rua, eskola sekundaria nebe mak labarik A nia maun ou bin eskola ona ba. Tolu, opsaun livre. 

Iha loron Open Day, labarik ho nia inan-aman mak tenki ba rasik hodi rona esplikasaun sira ne. 

C.O

No comments:

Post a Comment