Dadolin Hosi Rogerio Loiluar Konaba Massakre Santa Cruz, 12 de Novembro de 1991

SANTA CRUZ 91

By: Roserio Loiluar

Se kaan morin ár istória
Mai!
Mai bá!...
Iha Santa Cruz
Bainhira loron 12 fulan-Novembru

Taka hela matan, hodi rona!
Rona bá!
Lian sira, be nunka mate
Iha leet ruin sira, iha rate-ulun laran

Husu bá!
Ba baki sira, be monok
Ba foho, saseluk matan no tilun

Husu bá!
Kona-ba mate-isin lakon
Kona-ba tiroteiu nadodon
Kona-ba asaun kobarde

Dada-iis bá, iha ó-nia imajinasaun
Horon sira-nia espíritu, be latan namkari
Iha lidun sira be izoladu
Iha rai Loro-sa’e
Lembra!
Lembra hikas bá!

Kuru sira-nia ahi espíritu
Iha leet mundu nia hakraku be loko-an no estrondu
Bainhira anin lotuk istória
Hakmahan
Taka metin ema-nia moris

Colégio São José, 16 de Março 2006