My photo
Um escritor, um poeta, um aventureiro,

Thursday, 3 September 2015

LERE HUSU DESMOBILIZADU KETA MONU BA MANOBRA POLITIKU

Interesanti le notisia ida ne'e konaba Veteranos no Vida Politika.....

Jornal Nacional Diário - 01 de setembro de 2015

Xefi Estadu Maior, Falintil Forsa Defeza Timor-Leste (F-FDTL) Maijor Jeneral, Lere Anan Timor husu ba Veteranus desmobilizadu sira atu sai nudar ema sivil labele monu ba manobra husi ema Politiku sira, tanba realidade barak mosu ona veteranu mak sai tarjetu ba Partidu Politiku sira atu alkansa sira nian objetivu.

“Ha’u husu ba imi atu labele monu ba ema manobrador Partidu Politiku sira nian tanba imi mak sai alvu ba Politiku sira, alvu ba interese ema seluk ninian sira sei buka formas hotu-hotu para aproveita imi, mas ita reuniaun dala barak ona ha’u dehan ba imi ita ne’ebe mak uluk luta hamutuk ita mak konfia ba malu la bele konfia fali ema seluk,” dehan Lere liu husi nia diskursu ba seremonia despedida Veteranu reformadu sira iha Kuartel Jeneral Fatuhada Dili, Domingu (30/08).

Nia realsa, uluk iha ailaran halo komprimisiu la’os ho osan mean maibe kumprimisiu ho maluk selun ne’ebe mak mate nia ran no isin, tanba ne’e la bele monu ba politiku sira nia manobra, politiku sira buka ema ne’ebe mak veteranu ne’e sai sira nia forsa Politika atu bele atinji sira nia objetivu.

“Ita sira ne’e hanoin estraga ita nia nasaun ita nia povu ne’e la monu iha ita nia laran mais ema seluk ne’ebe mak nunka hamutuk ho imi nunka terus ho imi, imi halai tuir ida ne’e sei lori konsikonsia at ida ba imi nia futuru hanesan bai-bain ita koalia veteranus, ita nian mak veteranus ne’e deit ona tanba veteranus ne’e make ma tauk ita respeita ita se lae ita ne’e la iha buat ida,” dehan Lere.

Nia reafirma, ba Ministru sira oin seluk, tanba sira sai sei iha matenek ne’ebe mak ema presiza maibe ba veteranus ne’e hanesan riku ida ba ema oportunista sira, tanba ne’e hanesan nia dehan ona ba desmobilizadu sira katak ema sei aproveita sira bainhira fila ba vida sivil.

“Maibe imi atu fiar se ne’e imi mak hatene tanba imi laos labarik imi nia problema mak imi organiza imi nia familia rasik,” dehan Eis-gerileiru ne’e. nes

No comments:

Post a Comment