My photo
Um escritor, um poeta, um aventureiro,

Tuesday, 20 March 2012

Diplomatas Timor Fo'o Parabens Ba Povo Timor

Diplomatas Timoroan iha EUA no Reino Unido konsidera katak povo Timor hatudu sira ninia maturidadi duranti eleisaun prezidensial nebe foin liu Sabadu (17/03), iha Timor Leste. Tuir mai ne'e komentariu badak hosi Constancio Pinto, atual Embaixador Timor iha EUA, no, Luis Corte-Real, atual Konsul Timor Leste iha United Kingdom (UK)

Constancio Pinto: Parabens ba Povo Timor

Constancio Pinto, Embaixador Timor Leste iha EUA hakarak fo'o parabens ba kandidatus sira hotu no hateten katak povo Timor hatudu sira nia maturidadi politika duranti eleisaun prezidensial nebe foin liu iha semana kotuk iha Timor Leste.

"Parabens ba candidatos sira hotu no povo Tiimor-Leste ba sucesso bot iha eleisaun Presidencial ida nee tamba hatudu sira nia maturidade politica, etica moral no sentido de estado aas tebes.Ho Eleisaun ida nee hatudo Timor Leste ba comunidade Internacional katak Timor pronto ona atu hamrik mesak tanba valores fundamentais democracia hanesan, respeitos humanos, liberdade de expressao, no seluk tan, nebe kuda iha Timor-Leste nia abut metin dadauk ona e buras liu tan".

Constancio Pinto mos husu atu lideres politicos sira kontinua hatudu nafatin sira etika politika iha segunda volta.

"Hau hein katak Timor oan tomak incluindo lideres politicos sei hatudo nafatin ita nia civismo iha votacao ba segunda ronda entre Lu Olo no Taur Matan Ruak. Tamba votacao segunda ronda ne'e decisivo tebes hodi hili hosi sira nain rua ne, ida deit maka ba cargo Presidente da Republica ba tinan 2012-2017", tenik Pinto.


Luis Corte-Real: Povo Timor Iha Maturidadi

Luis Corte-Real, representanti Governu Timor iha United Kingdom (UK) hateten katak povo Timor iha ona maturidadi atu hili sira nia ema hodi governa rai Timor Leste.

"Hau hanesan Representante Governo Timor Leste nian iha Reino Unido, hau nia hanoin maka ne, ita hanesan Povo ho Nasaun, iha ona maturidade ho experiencia atu hili ema nebe bele governa didiak ita nia Rain Timor Leste. Ne duni, ema ne tenki iha experiencia politica e diplomatica uitoan, tenki iha competencia de governasaun. Claro carateristicas diak hanesan: seriedade, tranparencia, humildade, inteligencia nomos visaun sei tulun ita nia Governasaun".

Luis Corte-Real sai hanesan representanti governu Timor Leste iha UK desde Junhu 2010. Oras ne'e halao servisu iha konsuladu Timor Leste iha Manchester, UK. Fim.



Celso Oliveira