My photo
Um escritor, um poeta, um aventureiro,

Saturday, 28 January 2012

Ema no Funu (Bazeia ba entrevista Constancio Pinto, atual embaixador Timor iha EUA) "Dalaruma Hau Mos Senti Kulpadu"


La iha tema espesial atu hakerek biar karik ba iha dadersan hanesan ne'e iha tempu livre atu halo leitura iha internet. Ohin loron, grasa hosi teknolojia, ita bele sharing ita nia hanoin no experiencia ba malun. Ida ne'e importanti tamba nudar ema kriatura Maromak nian, buat nebe diak ita tenki fahe ba malun. Laos tamba ita hakarak hatudu-an matenek liu ema seluk ou loko-an liu ema seluk.

Ohin loron, ita bele asisti iha internet evolusaun barak tebe-tebes iha ita nia rain Timor Leste. Foin daudaun hau halo peskiza ida iha internet hau hetan Timoroan barak maka hatudu sira ninia talentu iha muzika. Hau mos hetan iha youtube, karikatura konaba ema bo'ot sira nebe oras ne'e daudaun halo kampanya ba eleisaun prezidensial.

Independensia signifika fo'o mai ita ida-idak oportunidadi atu lao ba oin, atu dezenvolve ita nia-an, atu hadia ita nia moris. Independensia mos signifika desafiu mai ita nia-an atu husik ita nia mentalidadi antiga, mentalidadi funu, mentalidadi destruisaun. Ida ne'e konserteza laos fasil.

Iha fulan hirak liu ba, kuandu komemora 12 de Novembro 2011, hau le'e entrevista Constancio Pinto, atual embaixador Timor iha EUA, nebe sai iha jornal Publico, jornal iha Portugal. Constancio Pinto hateten dalaruma nia senti kulpadu tamba husik jovens sira ba halo manifestasaun hodi ikus mai forsa militar Indonesia tiru mate sira iha semiteriu Santa Cruz nia oin, iha 12 de Novembro de 1991.

Hau buka komprende sentimentu ne'e humanamente.

Ema, nudar kriatura Maromak nian laos fasil atu moris hamutuk iha makina funu nebe bo'ot, nebe fabrikadu, nebe manipuladu, nebe inventadu.

Ema, nudar kriatura nebe iha isin no klamar nakonu ho forsas no frakezas, nakonu ho otimismu no pesimismu, nakonu ho korajem no tauk, etc....maka sai vitima (korban) primeiru iha funu ida nia laran.

Konserteza Timoroan hotu2 iha sentimentu hanesan Pinto. Tamba Timoroan hotu2 moris iha funu nia laran duranti sekulu ba sekulu. Constancio Pinto hatudu mai ita aspektu humanu no realidadi iha funu laran no oinsa moris pos-funu. Pinto hatudu mai ita konsekuensia iha funu ida nia laran. Realidadi no konsekuensia ida ne'e maka meresa hetan rekonhesimentu no valorizasaun hosi ema hotu2, nivel nasional no internasional. Tamba de faktu moris iha funu laos fasil tamba koloka ona ema nudar faktor humanu no funu nudar makina fabrikada. Maibe se karik la lori korajem, otimismu, forsa no amor ba ita nia rain, entaun ita nunka liberta ita nia rain hosi dominiu Indonesia.

Sabadu diak ba maluk sira hotu.

Referensia hosi:

1. http://www.publico.pt/Mundo/as-vezes-sintome-culpado-por-ter-dado-orientacoes-para-a-manifestacao-1520561,

Celso Oliveira,

Gosta hakerek dadolin no historia badak ema Timor nian


Patterns in Timor-Leste voting: voter discipline and political outcomes


.

Submitted by Damien Kingsbury on Fri, 27/01/2012 - Deakin Speaking

As the rhetoric heats up ahead of Timor-Leste’s official campaigning period for the forthcoming presidential elections, there is considerable interest in how the political process will unfold in 2012. There are a range of possibilities, but some possible outcomes do seem more likely than others.

The big question is whether Timor-Leste voters are likely to show the voting discipline they did in the three rounds of elections in 2007. In those contests, the vote for the first presidential round was very closely reflected in the second round, with the minor parties but one throwing their support behind Rose Ramos-Horta, who was elected in the second round with an overwhelming majority of just under 70 per cent. Fretilin’s candidate, Francisco ‘Lu-Olo’ Guterres, increased his vote from just under 30 per cent to just over 30 per cent, reflecting the addition of the support of a further, minor party.

There was similar voter discipline in the following parliamentary elections, with the proportion of votes closely following that of the first round of the presidential elections, but for the reduction in the vote for the Democratic Party from its stronger presidential showing. The difference here was, again, reflected in minor party support being hived off for the parliamentary contest.

IN part, the consistency of the 2007 vote reflected the partisan political climate at the time, the tendency towards ethno-political loyalties and the influence of patron-client politics.

In this respect, 2007 showed a great deal of voter consistency. It was, however a very different vote to that of 2002, in which Fretilin had won 57.4 per cent of the vote. In the intervening five years there had been a massive shift of political support away from Fretilin. This showed that while party loyalty was strong in 2007, it was not necessarily a permanent feature of the political landscape and that loyalties were prone to being shifted.

One thing that was noticeable, both in the 2002 and 2007 elections, was that the rhetoric of parties and candidates was rarely matched by the subsequent reality. Claims of major forthcoming victories were usually not matched by results, whereas those few who made modest or no claims about outcomes tended to as modestly as they had suggested or slightly better.

Interestingly, unlike more established democracies in which politicians are careful not to be seen to be boasting or claiming an unassailable lead for fear of a ‘protest’ vote, Timor-Leste’s politicians appear to think that stronger the claims to political success the more likely they will eventuate.

Fretilin underperformed measured against its rhetoric in 2002 and Fretilin, CNRT and PD all underperformed when measured against their rhetoric in 2007, as did a number of minor parties. There were similar rumblings as the various contenders started to shape up for the 2012 electoral season, although again it seemed that political optimism was not likely to be rewarded to the extent it seemed to think was warranted.

CNRT stood to be the biggest winner in 2012, at least in terms of potential for gains. It had presided over five years of increasing stability, statistical economic growth if marginal actual improvement in the lives of many in the districts, the roll-out of electrification as an impressive infrastructure project that promised to transform the lives of most, and five years of increased patronage under the leadership of Xanana Gusmao who, while tarnished from the wear and tear of political life, still managed to retain a relatively high degree of personal popularity.

In 2007, Fretilin’s presidential candidate was Lu-Olo, and he was pre-selected again for 2012. Without predicting what Fretilin’s level of voter support was likely to be, he could reasonable expect to have all of that and perhaps the support of a minor party or parties. Indeed, Unless Fretilin was to completely reverse is 2007 election performance on its own, it would have been likely to be looking for political allies to team up with, to support Lu-Olo and to present an alliance on the floor of the parliament.

CNRT had supported Ramos-Horta for the presidency in 2007, which he subsequently won. In 2012, CNRT’s support was much less clear but started to look like veering away from Ramos-Horta, with whom Prime Minister Gusmao seemed increasingly uncomfortable, and towards former commander of the defence forces, Taur Matan Ruak.

If Ramos-Horta decided to contest the 2012 presidential election and if he did not retain CNRT’s support, he would be likely to retain a degree of personal following among voters but perhaps not as much as if he had CNRT’s endorsement. This would have looked like dividing the vote to the extent that no single candidate would receive more than 50 per cent support in the first presidential round. The vote would be for the two highest voted candidates in a second round.

If Ramos-Horta did, however, decide not to contest the 2012 presidential elections, it could have been possible that another candidate could win an absolute majority in the first round. This would have remained difficult, given the plethora of minor candidates, but it would have been much more possible than had Ramos-Horta remained in the race.

Ramos-Horta had been ambiguous about his political future, indicating back and forth that he would or would not seek re-election. He remained an important political force in Timor-Leste but, equally, remained a valuable public, if no longer official, face of Timor-Leste on the world stage.

The questions, then, were who would be likely serious contenders for the 2012 presidential elections, how the balance of support from political parties would play out and whether voters followed their parties’ directions as closely as in 2007. If they did not, this would have reflected a fundamental change in the ways Timor-Leste’s voters decided on political issues. It would have thus thrown the political game wide open.

If they did follow party directions, however, the outcome of the first round of the presidential elections would then made it possible to start to predict the shape of political outcomes in the parliamentary elections.

Wednesday, 25 January 2012

Partidu 25 Ne'ebe Sei Kompete Iha Eleisaun Legislativa


Tersa-Feira, 24 husi Janeiru 2012

Tuir mai ne'e partidu rua nulu resin lima (25) ne'ebe rejistu ona iha Comisaun Nasional dos Eleisoens – CNE atu kompete iha eleisaun legislativa iha tinan ne'e:

1. Assosiação Social Demokrata Timorense -ASDT; Presidente;Presidente Fransisco Xavier Do Amaral
2. Frente Revulusionária do Timor-Leste Independente - FRETILIN ;Presidente; Fransisco Guterres”Lu-olo”
3. Congreso Nasional de Reconstrução de Timor-Leste - CNRT; Presidente; Kay Rala Xanana Gusmáo.
4. Klibur Oan Timor As’wain- KOTA; Presidente; Manuel Tilman.
5. Partidu Democrático – PD ;Presidente; Fernando De Araujo”Lasama”
6. Partidu Social Democratica – PSD; Presidente; Zacarias Albano Da Costa
7. Partidu do Povu de Timor – PPT; Presidente ; Jacob Xavier
8. Partidu Unidade Nasional – PUN; Presidente; Fernanda M. Borges
9. Partidu Democrática Repu’blika de Timor – PDRT; Presidente; Gabriel Fernandes
10. Unidade Nasional Demokra’tika da Resiste’nsia Timorense -UNDERTIM; Presidente;Cornelio Gama L-7
11. Partidu Democratica Cristão – PDC; Presidente; Antonio Ximenes
12. Partidu Socialista Timorense – PST; Presidente; Avelino M. Coelho
13. Partidu Nasional Timorense -PNT; Presidente; Abilio De Araoujo
14. Partidu Republikano PR; Presidente; Joao Saldanha
15. Partidu Milineum Demokraticu – PMD ; Presidente ;Hermengildo Cupa
16. União Democraticu Timorense -UDT; Presidente; Gilman Exposto
17. Partidu Desenvolvimento Nasional – PDN; Presidente ; Fernando Gusmao
18. Partidu Liberta Povu Aileba - PLPA: Presidente ;Fransisco Gomes
19. Kmanek Haburas Unidade Nasional Timor Oan - KHUNTO; Presidente; Armanda Berta Dops Santos
20. Partidu Trabahlista Timorense -PPT; Presidente Angela Freitas
21. Frente de Reconstrução Nasional de Timor-Leste - FRENTI MUDANCA; Presidente; Vitor da Costa
22. Partidu Democrática Liberal - PDL; Presidente; Marito de Araujo
23. Parti du Democráticu Timorense - PDT; Presidente; Alianca da Conceicao Araujo
24. Associação Popular Monarquia Timorense - APMT; Presidente; Eng. Pedro da Costa Ramalho
25.Bloku Proklamador - B- PRO PDRT PMD, Sekretariu Geral: Arlindo Marcal


Fonte: http://cjitlnoticias.sapo.tl/nasional/partidu-25-neebe-sei-kompete-i-134958

Monday, 23 January 2012

Kampania Eleitoral “Sei Hahu 29 Fevereru To’o 15 Marsu 2012, Partidu Ne’ebe Rejistadu 24”


.

Notisia Husi TVTL - Sesta Kalan, 20 Janeiru 2012

Comisaun Nacional de Eleisoens indika organizasaun, sosiedade sivil hanesan FONGTIL, CNJTL, REDE FETO no OIPAT atu sai observador ba kampania eleitoral.

Kampania eleitoral ne’ebe sei hala’o iha fulan Febereiru hanesan Primeira esperensia ne’ebe CNE organiza, tamba ne’e atu observa didiak Kampania Eleitoral hodi la’o ho diak, CNE indika ona organizasaun Sosiedade Sivil inklui media atu sai observadores eventu importante ne’e.

Tuir Komisariu CNE Martinho Gusmao katak, atu hala’o knaar ho diak, organizasaun hirak ne’e presija iha formasaun hodi hatene klean nia funsaun no kna’ar wainhira atu hala’o reportazen kona ba tekniku eleitoral.

To’o oras ne’e kandidatu balun hatama ona rekesitus ba tribunal de rekursu hodi hetan legalidade antes atu konkore iha eleisaun Prezidensial.

Kalendariu Eleitoral ne’ebe prepara husi STAE publika ona iha Jornal da Republika, tuir kalendariu kampania eleitoral sei hahu iha loron 29 Fulan Fevereiru to’o loron 15 fulan Marsu tinan 2012.

Atu garante ba informasaun ne’ebe loos husi media no publiku CNE oras ne’e publika livru ho titlu “Mata Dalan Eleitoral” ne’ebe esplika liu konaba lala’ok eleisaun nian, too oras ne’e partidu politikus ne’ebe rejistu ona iha CNE hamutuk 24.

Friday, 20 January 2012

Deputy PM to run for president


.

Independente, January, 17, 2012, Language source: Tetun

Deputy Prime Minister for Social Issues, Jose Luis Guterres has announced his presidential candidacy to compete in the president election that will be held in March 17th.

Guterres declared his candidacy in Oe Cusse district on Saturday, when Frente Mudansa's party meet its followers there. "I just want to say that, today everyone has the right to become a candidate, I am available to become a candidate for president of the republic," Guterres said.

The deputy Prime Minister has not yet announced whether he will run as an independent candidate or the Frente Mudansa party's candidate. He has promised to declare his decision to the public once his decision has fulfilled the Appellate Court's requirement.

Thursday, 19 January 2012

Problema Dadus veteranus “Veteranus Ezizi PM, Sei Boikota Eleisaun Prezidensial no Parlamentar”


.

Notisia Husi TVTL- Kuarta Kalan, 18 Janeiru 2012

Veteranus no Kombatentes da libertasaun nasional konsidera governu Timor Leste halo diskriminasaun no hamosu injustica ba sira nia partisipasaun iha luta ba Libertasaun Nasional.

Kestaun ne’e hato’o husi reprejetante veteranus no kombatentes husi distritu 13, kuarta-feira ne’e konsentra iha sede Komisaun do Menazen hidu hato’o sira nia lamentasaun no ezizensia ba governu konaba data edital ne’ebe fo sai la tuir sira nia tinan luta hodi liberta rai ida ne’e.

Veteranus hitak ne’e lamenta, tamba sira barak maka hetan deit grau 03 (zero tres) ne’ebe la tuir sira nia luta no balun ne’ebe la luta hetan fali grau ne’ebe boot liu.

Porta Voz ne’e mos husu ba Primeiru Ministru ne’ebe mos hanesan lider rejistensia atu rona sira nia ezizensia.

“Husu ba Sr Primeiru Ministru Xanana Gusmao nudar lider rejistensia katak, harii lalais Konsello da Veteranus hodi rejolve problema ne’ebe afeta hela ba membru veteranu no klandestina sira e labele halo diskriminasaun entre ami,” deklara Porta Voz ne’e.

Karik laiha rejultadu ba sira nia ezizensia, demonstrasaun mak nudar sira nia dalan hikus no sira sei organiza veteranus tomak husi distritu 13 hodi halo boikota no sei la tuir eleisaun Prezidensial no Parlamentar.

Tuesday, 17 January 2012

Saida Maka Timor Oan Iha Estrangeiro Hateten Konaba Eleisaun Prezidensial no Lejislativa 2012 Iha Timor Leste....

Saida maka Timor oan sira iha estranjeiro hein hosi eleisaun rua, prezidensial no lejislativa, nebe sei halo iha Timor Leste iha tinan ida ne'e.

Liu hosi Facebook, meius comunikasaun nebe utilizadu liu iha tempo atual, hau husu Timor oan sira nia opiniaun/hanoin.

Domingos Lobato, Timor oan hela iha cidade Wisbesh, UK, dehan: "tenki iha paz no dezenvolvimentu. Se paz la iha, entaun dezenvolvimentu sei la lao ba oin".

Alex Cunha, Timor oan hela iha Hoofddordp, Nederlands, dehan: "hau husu atu Timor oan sira iha liur fo apoio atu nune eleisaun bele lao ho didiak, atu nune bele lori paz ba povo iha rai Timor".

Madre Romana Lima, Timor oan iha Espanha, dehan: "Timor la hanesan uluk. Ohin loron, Timor iha cambio maka'as. Timor bele duni i iha duni kapasidade atu lao ba oin. Timor tenki halo lakon korupsaun, familiarismu. Tenki kria kampu de trabalho ba ema hotu laos ba familia deit tamba hare hosi nivel geral, so familia deit maka hetan servisu".

Herlina Saldanha, Timor oan iha Portugal, dehan: "hau lahatene atu dehan saida mas se deit maka eleito ba presidenti tenki hetan duni kondisaun lolos atu sai presidenti ida diak, iha responsabilidadi i iha inisiativa atu dezenpenha papel importanti. Hein katak eleisaun ne'e diak liu ba ita nia rain. Saida mak hau hakarak maka tenki hamenus kiak, halakon korupsaun i aumenta kampu de trabalho. Bele dehan lolos katak tinan 10 ona Timor kontinua nafatin deit. Timor devia ser diak liu agora. Hein katak eleisaun 2 ne'e bele muda buat balun i lori diak mai Timor oan hotu".

Nune mos Roger Soares, Timor oan iha Portugal, dehan: "primeiru, partidos politicos tenki mobiliza sira nia simpatizantes atu hakribi violensia tamba sem klima paz, impossivel realiza eleisaun ida diak. Segundu, partidos politicos nebe tuir eleisaun tenki esklarese didiak ba elitorados konaba sira ninia programas i prioridade prinsipal se sira manan eleisaun. Terseiru, eleitorados labele vota iha pressaun nia laran, i, finalmente, partidos nebe lakon tenki simu resultadu tuir dalan demokratiku.

Celso Oliveira




“PR Horta La Ajuda Jornal Tempo Semanal, Jose Belo Intrega Medalla”


.

Notisia Husi TVTL - Sesta Kalan, 13 Janeiru 2011

Jornalista Jose Belo intrega hikas medalha kondekorasaun ba Presidenti da Republika, Medalha refere Jose Belo simu iha tinan 2009, tamba konsidera hanesan Jornalista ne’ebe fo nia kontribuisaun durante tempo rejistensia.

Iha sesta-feora ne’e Jornalista senior Jose Belo husi Jornal Tempo Semanal intrega hikas medalla kondekorasaun ba Prezidenti da Republika iha Palasio Prezidensial Aitarak laran, Dili, Medalla ne’e xefe Estadu entrega ba Jose Belo iha loron 30 Fulan Agustu tinan 2009, nu’udar Jornalista ne’ebe fo nia kontribuisaun durante tempo rejistensia.

Rajaun Jose Belo intrega hikas Medalla kondekorasaun ne’e, tamba lakonkorda ho atetude Xefe do Estadu ne’ebe la selu osan ho montante U$142,000 (rihun atus ida hat nolu resin rua dollar Amerikanu) ne’ebe impaktu husi ida ne’e hikus mai halo jornal ne’e tenki taka.

Atan konaba asuntu ne’e Prezidenti da Republika Jose Ramos Horta hateten, Prezidenti da Republika rasik labele selu orsamentu refere, tamba tuir informasaun ne’ebe maka nia simu husi eskola tomak iha distritus inklui Administradores distritu nunka hetan asesu ba Jornal Tempo Semanal.

“Jose Belo mai atu intrega medalla ne’e ba hau, rajaun to’o agora seidauk selu ne’e simples, primeiru, PreZidenti atu selu buat ruam, tenki iha prova ke Jornal ne’e fahe duni, tamba ami simu informasaun mai husi fatin bar-barak ke sira nunka haree Jornal Tempo Semanal ne’e, hau rasik husu sira imi simu Joenal ne’e ka lae? administrador distritu sira, diretor eskola sira dehan, sira la simu, tamba ne’e mak ami apara oituan, hau hakarak ajuda jirnal ne’e maibe sira hakarak fo fali medalla entaun pronto hau simu tiha ona, fo fila fali ho hirus, pronto hau simu, prozempo Governu haruka kareta ida ba hadia, tenki hatudu manutensaun katak, kareta ne’e diak duni,” haklaken PR Horta.

Oras ne’e dadaun Jornal Tempo Semanal, provizoriumente la hala’o operasaun ho rajaun falta de finansiamentu.

Sunday, 15 January 2012

Eleisaun Prezidensial Sei Hala'o iha loron 17 Marcu


Sabadu, 14 husi Janeiru 2012


Prezidente Republika Jose Ramos Horta, ofisialmente anunsia ona data eleisaun prezidensial ne'ebe sei hala'o iha Sabdu 17 Marcu 2012.

Horta anunsia ida ne'e iha Palacio Prezidente, Bairopite, Dili Sexta 13 Janeiru.

Tuir dekretu prezindesial ne'e katak kauza ba segunda ronde sei halo iha terceiru semana fulan Abril nian.

Anunsio ne'e hetan mos partisipasaun husi Primeiru Ministru no reprezentantes partidu politikus.

Fonte: http://cjitlnoticias.sapo.tl/nasional/eleisaun-prezidensial-sei-hala-130358


Wednesday, 11 January 2012

“Dom Basilio: Lideransa Partidu Politiku Tenki Hametin Paz No Estabilidade”


.

Notisia Husi TVTL - Segunda Kalan, 09 Janeiru 2011

Bispo Dioseze Baucau Dom Basilio do Nascimento husu ba lider Partidus Politikus atu hatudu matoridade politika hodi maten Paz no Estabilidade iha Timor Leste.

Dom Basilio do Nascimento hateten lia hirak ne’e ba Jornalista RTTL foin lalais iha Vemase wainhira analiza situasaun jeral kona ba estabilidade nasional iha natal no tinan foun ne’ebe lao diak, tamba ne’e Dom Basilio kontinua husu ba lider Politiku sira atu hatudu matenek hodi kontribui ba paz iha nasaun ida ne’e.

“Tempo ne’e ita halo avaliasaun ida kona ba ita nia tinan 10 ne’e, ita hetek ba kotuk, ohin buat kalma, ita hein katak buat ne’e kalma beibeik, hau husu ba politiku sira atu modera sira nia reuniaun balun, hau haree partidu sira iha konsensia katak, it abele hanoin oin selukba, maibe buat ida demokrasia ne’e ita nia regra,” dehan dom Basilio.

Iha oportunidade ne’e, Bispo Dom Basilio haktuir liu tan katak, akontese pasadu sai hanesan reflesaun ba ema hotu atu hari pas hodi moris iha establilidade nia laran.

Saturday, 7 January 2012

“Komandu F-FDTL Fo Ultimatu Ba Arte-Marsial”


.

Jornal Independente - Sesta, 06 Janeiru 2012

Major Jeneral F-FDTL Lere Anan Timor fo ultimatu ba membru arte-marsial tomak atu labele mangame hamosu violensia beibeik iha Tl, tanba forsa rua iha rai ne’e (F-FDTL no PNTL) sei la tolera.

“Ita nia nasaun ne’e mosu beibeik problema artemarsial, tanba ne’e hau atu dehan katak se halo beibeik violensia PNTL no F-FDTL sei la ba hamaus, tanba ami sei atua tuir orden, tanba se ema ida halo violensia kontra nasaun ne’e, nia tenki simu konsekuensia todan,” dehan lere durante inkontru F-FDTL no PNTl hodi garantia seguransa ba eleisaun jeral 2012, ne’ebe partisipa mos administrador husi distritu 13 ho xefe suku 442 iha sentru Cinvensaun Dili, Kinta horsehik.

Komandu F-FDTL fo ultimatu ba arte-marsial atu hapara ona violensia ba interese seguransa nasaun ne’e nia hodi fo estabilidade ho paz iha kualker eventu nasional ne’ebe estadu hala’o.

“So ema la’os Timoroan no nasionalista mak halo beibeik violensia, tanba 100% seguransa iha F-FDTL no PNTL nia liman,” nia hateten.

Nia fo hanoin ba organizasaun arte-marsial sira atu labele uza demokrasia hodi hamosu fali violensia ne’ebe la fo vantazen diak ba nasaun.

Lere dehan tan, Papel F-FDTL no PNTL ba tinan 2012, maka sei hametin konfiansa ba povu atu hametin seguransa iha teritoriu TL hodi hetan pas to’o ONU sai husi Timor Leste.

Major Jeneral ne’e husu ba Administrador distritu, sub-distritu no xefe Suku 442 atu hametin pas, tamba Timor Leste sei moris nudar nasaun murak iha mundu.

Tanba seguransa laos iha deit F-FDTL no PNTL nia liman, maibe seguransa ne’e tenki hametin husi povu mak diak liu.

Iha fatin hanesan, Komodante jeral PNTL, Komisariu Longuinhos Monteiro, informa katak, ba tinan 2012 ne’e PNTL sei hatudu nia konfiansa ba povu hodi servisu hamutuk ho lider komunitariu hodi hametin pas no estabilidade.

Wednesday, 4 January 2012

Kolektivismu: Karakterístika Konfrontos Violentos iha Timor-Leste?



Dionísio Babo-Soares*

Iha inisiu fulan Dezembro 2011, mossu fila-fali konfrontasaun violenta involve membrus balun hosi arte marciais (laos instituisaun), nebé resulta ema balun lakon vida, balun kanek todan iha área Betó ho área seluk iha Komoro, Dili. Konfrontasaun nuné mossu dala-uluk ona iha fatin barak hanesan iha Baucau, Same no Suai nebé estraga uma ho propriedade barak, ema lakon vida ho hamossu deslokadus barak.

Akontesimentu nebé mossu iha fulan Dezembro 2011 iha Dili, akontesse iha tempo nebé tuir-lolos ema hotu túr hakmatek hodi komemora Natal, celebra ita Nai Jesus Cristo nia moris, ho hein tinan foun 2012 nebé Timor oan tomak sei halao festa democrasia ka eleisaun geral. Mesmo konfontasaun né involve deit individuais ka jovem nebé konsiderado nakar, no sira nebé tur iha dalan ninin, hemu tua tó lanu no deskontroladu, maibe sira nia afilisasaun ho grupos arte marciais nebé durante né involve iha konflitus violentos, assosía kedas involvimento instituisaun nian iha assoens hirak né.

Hatan ba akontesimento né, iha 22 Dezembro 2011, Konselho Ministro foti decizaun suspende aktividades arte marciais hotu iha Timor-Leste hosi tinan ida (1) to tinan tolu (3), no suspende jogos lotária nebé eziste, ho durasaun to fulan nen (6) nia laran.

Konfrontos violentos iha Dezembro 2012 né akotesse ho karakterístika hanesan sira-uluk, grupos kontra grupos (kolektivo) no autor mesak hanesan deit, elementos hosi grupos arte marciais. Hafoin tuir kedas ho assoens violentas nebé individuais sira maka halo hodi selu-hikas (revenge) derrota anterior. Maske iha nível lideransa grupo sira né rasik halo bebeik kompromissu, verbal no por escrita, katak sira hakribi violensia no promete sei la halo assoes violentas, akontesimentus sira né hatudu deit katak kompromisso sira né folin laiha. At liu tan, hatudu deit deskonfiansa katak ita labele sadere ba promessas, mesmo ke né halo rasik hosi lideransa boot grupos arte marciais nian. Né mos hatudo falta autoridade atu kontrola membrus sira iha karaik, liu-liu tanba, dala barak, ema nebé la sala, mak simu todan ka konsekuensia hosi konfrontos violentos hirak né.

Modelu konfrontos violentos entre grupos (grupos kontra grupo) hodi halibur malu, mobiliza massa grupo halo violensia laos fenómena foun iha ita nia rain. Tradisionalmente, mobilizasaun klan (grupo étnico) ka etno-linguístico hodi baku-malu ka halo-funu nebé uza meios violentos konhesidu ona iha ita nia história.

Iha eleisoens hirak liu ba, iha distrito balun, membro partidos balun ataka ema nebé konsiderado mai hosi partido seluk. Eventualmente, halo ema nebé kbiit laek mak térus.
Tanba sa mak konfrontos violentos nuné mossu bebeik iha Timor? Tanba sa mak sempre involve membrus arte marciais, no tanba sa sira sempre eskapa? Infelizmente, to agora laiha rezolusaun nebé sistemátiku no laiha investigasaun profunda iha parte criminal hosi hosi entidades seguransa, no laiha estudos ho peskizas científikas hodi bele ajuda rezolve.

Karakterístika Violensia Kolektiva

Geralmente, konflito ka violensia refere ba diferensa ka xokes de interesse entre ema/grupos bainhira sira kompete atu hadau rekursus nebé limitadu iha vida social. Nuné, mobilizasaun ema-barak ka grupos, ka uza instituisaun nebé sira reprezenta nia naran hodi hetan lijitimidade, mossu nudar karakterístika assaun violenta nuné. Normalmente, mobilizasaun hodi kompete ba “rekursus limitadus” hanesan kompete ba pozisaun polítika, kompete atu habelar área kontrolo, hadau poder, riku-soin ho rekursus seluk mak sai nudar objektivu eventual konfrontos hirak né. Maibe iha Timor-Leste karakterístika konflitus violentos entre grupos, mossu liu-liu tanba kompetisaun entre grupos arte marciais (perguruan), mós tanba ódio ho vingansa nebé originalmente, no dala barak, inicia hosi diferensas ka konfrontos individuais.

Iha teoria konabá konflito social demonstra, violensia entre grupos mossu tanba karakter “kolektivu”. Ema ka grupo uza naran instituisaun ka grupo nudar identidade hodi bele define a’an no mos identifika sé mak inimigo, ka identifika sé maka lideransa iha grupo ida nia laran (in-group).

Mesmo ke seidauk iha estudos profundus, iha Timor ita bele konfirma katak konflitus arte marciais akontese frekuentemete ho modelu ka modus operandi hanesan: normalmente evolui hosi diferensas individuais no ikus mai buka lejitíma a’an iha grupo ka instituisaun arte-marsiais. Modus operandi né rasik maka konfrontos violentos, uza kroat, assaltu ho grupos, oho-malu no estraga propriedes ema nian. Bainhira lijitíma a’an nudar grupos, sira fasilmente distingi inimigo no identifika sé maka maluk-rasik (in gropu). Eventualmente, konfrontos violentos entre inimigos sira né involve ona ema barak ka grupos kontra grupos (antar perguruan).

Konfrontos violentos entre grupos arte-marsiais, to agora, laos tanba deit hadau-malu poder hanesan iha eleisoens gerais, maibe tanba deit odio ho vingansa ka mossu tanba polarizasaun interesse grupos nian, nebé movimenta grupos idak-idak hodi baku malu ho karakter kolektivu. Konflitus violentos kunhesidu nudar realidade natural iha vida social humana. Maibe oinsá atu resolve ka halakon violensia sira né, depende ba modelu kolektivu iha fatin nebé konflito sira n’e rasik mossu.

Ema matenek sira dehan iha sikun-rua (two aspects) nebé lahanesan iha modelu kolektivismo, kolektivisme inklusivu ho eksklusivo.

Iha kolektivismu inklusivu, individu sira nebé pretense ba grupo ida, bele komunika malu abertamente liu hosi diálogo ho negosiasaun ka liu hosi mekanismu judicial legal. Maibe identidade koletivismu inklusivu né mamar (ladun forte) hela tanba ema barak tebes nebé pretense ba kolektivismu inklusivu (grupo), no dala-ruma la kunhese malu. Tanba deit sira halibur hamutuk ho interesse/ objektivu hanesan, sira hare ema seluk nudar inimigo. Ezemplu membrus partido A barak mak la kunhese malu, maibe tanba deit sira partidu ida, sira halibur malu hamutuk. Nuné relasaun entre lideransa ho membrus sira imperativu maie dikursivu liu, ka hosi leten ba karaik deit.

Nuné, prosesu atu identifika sé mak inimigo liu hosi analiza kolektivu inklusivu né tenki halo ho kuidadu tebes, tanba membrus sira la kunhese malu hotu. Kolektivismu inklusivu normalmente eziste iha sosiedade urbana ho klasse media (white collar) nebé estabelecido ka diak ona ekonómikamente no ema nebé iha edukasaun nível a’as.

Iha kolektivismu eksklusivo, ema ladun komunika abertamente ka laiha diálogo ou negosiasaun entre sira ho grupo seluk. Sira hateke liu ba sira nia a’an ka grupo nia laran (auto-introspection) no revindika (claim) katak sira mak monopolía lia-los (monopoly of the truth), no haré grupo ka ema seluk hanesan salah hela deit, fraku no ladiak. Ema sira né sempre iha persepssau katak grupo ka ema seluk ladiak, la halo buat ida, no só sira mak bele, só sira mak defende lia-lós, só sira mak halo buat hotu.

Relasaun iha kolektivismo ekslusivo (grupo nia laran) – entre lideransa ho nia membrus sira – akontesse ho karakter represivu ka obrigatório hosi leten ba karaik (top down approach). Tanba né, naran lideransa hatudo deit katak ema ka grupo seluk nudar inimigo, restante seluk halo tuir deit. Bainhira lideransa temi grupo B ka C nudar inimigo, membro hotu-hotu sei halo mobilisasaun kolektiva, moralmente ho fisíkamente, hodi ataka inimigo né.

Tuir matenek-nain ida naran Korotelina iha Identity Conflicts (2009), tendensia kolektivismu eksklusivu hili liu konfrontasaun violenta (agresão física) no rejeita atu halo komunikasaun abertamente ho grupo nebé konsiderado inimigo. Kolektivismu eksklusivu normalmente eziste iha sosiedade nebé ekonomikamente sei fraku, ema kiak barak, no ema ladun iha asessu ba sistema edukasaun moderna.

Tanba né, tuir lolos konfrontos violentos entre grupos arte marsiais iha Timor tenki hetan ona atensaun makas, hosi autoridades seguransa nian, lideransa grupos arte marciais nian, sociedade sivil no entidades sociais no polítikas hotu-hotu. Iha Timor, tendensia atu liga grupos arte marciais ka partidos politicos ho identidade kolektivismu exklusivu boot tebes, tanba né mak sepre hamosu violensia entre grupos (collective).

Né laos buat foun ida tanba iha grupos etno-linguístiku barak iha Timor-Leste maka sei iha tendensia atu taka-an (menutupi diri). Nia membros sira, maski moris iha komunidade pluralístiku hanesan iha Dili, bainhira komunika ho grupo etnía seluk, uza deit sira nia língua etnía no la interesse ema seluk. Tendensia social ida né maka halo tiha segregasaun natural iha sociedade ida nia laran no kria divisionismu (gap/separasaun), no sempre hamosu konflitus violentus. Kolektivismu ekslusivo akontesse iha grupos sira né nia laran, no kria konflitus inklui iha konflitus arte marsiais.

Preciza Assaun Afirmativa

Infelizmente, durante né maski mossu konfrontasaun entre grupos arte marciais ho karakter kolektivismu ekslusivu, laiha mekanismu ida atu resolve to nia abut. Iha Policia ho nia atuasaun nebé diak, hodi hapara no hamate assoes violentas sira né maibe parece ladauk ke to nia abut. Mossu espekulasaun oin-oin hosi sosiedade sivil, Nasoens Unidas, no analista social sira, maibe fakta hatudo katak kolektivismu eksklusivu tuir lolos tenki iha aproximasaun nebé intensivu ho bebeik.

Iha semana rua kotuk, Konselho Ministru hasai ona decizaun atu hapara aktividade arte marciais ho aktividade bola guling tanba hamossu bebeik konflitus nebé alastra hosi individual ba konflitus violentos entre grupos. Será ke né efektívu? Iha kurto-prazu ita bele dehan sim. Maibe oinsa ba oin? Hapara deit to ona?

Tuir lolos iha nível seguransa bele prevene konflitu sira nuné. Idealmente, instituisoens seguransa nian tenki iha no implementa konseito nebé integradu hodi bele transforma konfrontos violentos iha sosiedade atu sai fali koligasaun dame, hakmatek no domin. Iha plataforma seluk nebé ita bele uza maka diálgu, resolusaun liu hosi mekanismu legal, no laos violensia.

Karik kolektivismu eksklusivu sei sai nudar faktu ida iha ita nia rain, instituisoens seguransa estadu nian preciza halo programa específiko, para além de hametin seguransa hosi parte polisial, hodi bele muda karakter kolektivismu eksklusivo transforma fali nudar kolektivismu inklusivo. Nuné bele ajuda resolve violensia entre grupos ho karaktes sira iha leten.

Ita rekunhese katak dalan diálogu mos halao bebeik ona mais la konsegue resolve. Karik nuné dalam legal ka aplikasaun lei ho firmeza sai nudar alternativu diak ba resolusaun problemas mais tenki mos hare progama seluk hanesan kompetisaun arte marciais nebé activu liu, regulariza aktividades sira né hotu, kampanha non-violensia nebé focus no halo mekanismu restrisaun nebé bele kontrola aktividade arte marciais ho dignidade.

Nudar iha rai seluk nebé iha problema hanesan ita, programa sira né inklui programa sosializasaun ba mekanismo judicial, treinamento lideransa no mekanismu resolusaun konflitu tuir dalan dame nian. Nuné mos oinsa kria programa seluk atu bele transforma kolektivismu eksklusivo, inkluindo kria programa atu hadia porgrama juventude nian.
Problema dezemprego, kiak, ho edukasaun baixa sai nudar konsidaun fundamental nebé halo ita nia sosiedade difisil atu sai hosi karakter kolektivismu eksklusivo. Né tanba ema kiak sira sente katak so liu hosi kolektivismu eksklusivo deit sira bele espressa sira nia frustrasaun. Tanba né dezenvolvimento iha seitor ekonomia nebé bele aumenta bem-estar tem ke lao makaas, selae kolektivismo exklusivo sei forte nafatin iha sistema social sociedade nian.

Konflitu arte marciais iha Timor-Leste hamossu vítima barak ona, no vítima sira né mossu tanba aksaun kolektivismu eksklusivo nian. Tanba né ita tenki buka transforma modelu kolektivismu eksklusivo né ba kolektivismu inklusivo liu hosi aktus antisipasaun no prevensaun, hodi transforma kolektivismu eksklusivo iha sosiedade nia laran, atu nuné konflitus violentos iha ita nia rain, bele resolve ho dame, no ho dignidade.

*Autor, Sekretario Geral CNRT, no membro corpo dosente iha Universidade Nacional (UNTL) ho UNPAZ. Artigo né opinião pessoal no la representa institusaun nebé autor servisu ba.

Monday, 2 January 2012

“Eduka joven sira ne’e hanesan xave ba esperansa futuru nian


02 de Janeiro de 2012, 08:46

Papa defende katak joven sira tenki “aprende importánsia husi arte moris hamutuk ne’ebé pasífiku, respeitu ho loloos no iha kompriensaun Papa Bento XI horisehik ko’alia iha ninia omília iha loron dahuluk tinan ida ne’e nian katak eduka ema kkona-ba valór moris nian no virtude moris nian ne’e maka hanesan xave ba futuru ne’ebé iha esperansa.

Papa, iha loron ne’ebé maka Vatikanu dedika ba pas munidiál, gaba juventude, konsidera katak joven sira ne’e husi ho moris nakloke ba diálogu no respeitu ida ne’ebé klean, maibé rekoñese katak iha perigu ida husi realidade sosiál maka halo sira sai lakoñese toleránsia no violentu maka’as, maske lahatán atu sai nune’e “riin pas nian” tenki hetan edukasaun.

Sumu pontífise, tuir relatu husi Associated Press, ko’alia kona-ba “lalatak ne’ebé maka helik netik orizonte mundu ohin-loron nian”, maibé latemi loloos konflitu ida ka krize ekonómika ne’ebé kona nasaun hotu-hotu liliu parte Europa.

Bainhira misa hotu tiha, iha ninia komentáriu ho dalen inglés, fó-hanoin ema hotu atu reza “ho hanoin ba pas iha mundu, liu husi rekonsiliasaun no perdaun iha área konflitu nian sira, no ho distribuisaun ida ke justu no ekuitativu (adil) iha rekursu mundiál nian sira”.