My photo
Um escritor, um poeta, um aventureiro,

Wednesday, 1 August 2012

Augusto Ramos: Hau Senti Kontenti Tamba Bele Lori Bandeira Timor Hatudu Ba Mundu



Augusto Ramos Soares, atleta Timor nebe oras ne'e daudaun iha hela London hodi partisipa iha Olimpiade 2012. Iha modalidadi halai nian, Augusto Ramos no Juventina Napoleao (23) sei representa nasaun Timor Leste. Juventina Napoleao sei halai iha dia 5 de Agostu no Augusto Ramos sei halai iha dia 12 de Agostu.

Augusto senti orgulho tamba bele lori Timor nia bandeira iha eventu internasional. Iha dadalia liu hosi Facebook, Augusto Ramos (27) dehan: "atu hatudu ba mundu katak iha okupasaun Indonesia, Timor oan la mate hotu, no liu husi partisipasaun Timor nian bele mos fo’o hanoin hikas fali ba maluk Timor oan sira nebe namkari lemo lemo iha ema rai katak Timor liberdade ona no moris iha dame nia laran".

P: sentimentu saida mak iha kuandu rona atu representa Timor iha eventu internasional hanesan Olimpiade 2012?
AR: Ba hau senti kontente tamba iha oportunidade ida ne’e, hau bele halo istoria foun ida ba ita nia Rai Timor. No, hau mos sente agradese tebes ba maluk hotu nia apoiu no koragen mai hau, to’o hau bele hetan oportunidade ida ne, no mos lori bandeira no mate terus Timor nian, atu hatudu ba mundu katak iha okupasaun Indonesia, Timor oan la mate hotu, no liu husi partisipasaun Timor nian bele mos fo’o hanoin hikas fali ba maluk Timor oan sira nebe namkari lemo lemo iha ema rain katak Timor liberdade ona no moris iha dame nia laran.

P: ok...obrigado. Iha Augusto nia youtube, Augusto dehan hakarak fo motivasaun ba klosan sira atu sira labele mete demais iha konflitus. Augustu kontinua iha hanoin ida atu sai exemplo ba Timoroan seluk?
AR: Sim, hau bele dehan, hau sai exemplo ba joven sira. Hau bele koalia atu sira dezenvolve-an iha desporto. Maibe, hau labele halo buat ida se wainhira hau mesak, tamba buat hotu fila fali ba ema bo’ot sira. Hau bele dehan hau hari'i klubu ida atleta barak, maibe eventu la iha sa ida mak akontese, atleta sira treino ka sira ba fali sira nia fatin. Ne’e ita atu dezenvolve desporto? Ami sorte no agradese, tamba iha netik maun bo’ot Ramos Horta nebe iha inisiativa ida hodi halo Dili Marathon cidade da paz nebe tinan ida dala ida, komesa iha dois mil i dez. Ami agradese ho nia apoiu mai ami.

P: Desde kuandu Augusto komesa halai. Hahu'u halai iha Dili ka iha knua fatin? Bele konta uitoan historia?
AR:Diak. Hau konhese desportu halai ne'e primeiro liu husi mana ida naran Aguida Fatima Amaral. Iha momentu ne’e, hau sei eskola iha foho i sei hela ho pai i mae. Depois loron ida mana ne’e to’o ba iha ami nia eskola atu registu ema atu tama iha mana nia klubu naran SLB. Momentu ne’e hau mos koko atu tama, maibe ami sedauk tun mai treino iha Dili. Ami sei treino iha Laulara/Balibar iha fatin nebe rekruta ba. Hafoin ami treino iha neba mana ne’e hare ami nebe mak halai diak oitoan entaun foti ami tun mai hela no treino iha dili.

CO
Foto: Hasai hosi Augusto nia profile iha Facebook


3 comments:

  1. obrigiadu wain tebes tamba sezuita sira mos hola parte iha Kristo nia matadalan ba sarani sira iha rai doben Timor Leste, no lori ema hotu nodi hetan moris foun iha kristu nia domin. Pedro Mesquita babo (1992)

    ReplyDelete
  2. This comment has been removed by the author.

    ReplyDelete
  3. Pedro Mesquita Babo17 March 2014 00:47

    Poema

    Daun hamlaha, Kabas mamar nafatin

    13/03/2013 – 21:51pm



    Timor Nasaun nurak ne’ebe foin hakat pasu ida ba rua,

    Hodi hakuak nia oan sira....

    Balada fuik sira hahu’u buka fatin atu hakmatek,

    maibe la hetan tan Nain sira haluhan atu fo Ai han...

    Ai-Hali lulik Timor foin hahu’u matak dadaun no hatu’ur talin sira,

    futu hamutuk no kuda dame iha Rai Timor....



    Mukit sira tanis halerik,

    tan hodi ain lao buka moris iha fuan...

    Riku sira hamnasa kontenti,

    tan uza oportunidade mukit sira,

    Hanesan fohorai lulik hisik hela kulit sira,

    iha knu’uk laran oan sira tanis tan balun lakon ona inan aman,

    se tan mak fo hahan sira?



    Halakon ba Tasi nakali sira,

    ne’ebe manas fo hemu natureza,

    Haberan ba Aikameli nia naran atu nune’e Timor sai morin liu tan.....

    Fui we ba Aihoris Timor atu fo matak malirin,

    Senti ba marmer nu’udar ruin ida tane a’as Timor,

    Mina Timor sai maran dadaun,

    halo kiak sira halerik no Tanis....



    Soe ba Aitahan a’at iha bolsu laran,

    enxe ba Aitahan nurak sira,

    Fokit ba Aikameli be moris iha a’at sira le’et ba diak,

    Ohin... iha luhu laran hare’e bua malus no ahu mutin,

    Iha bote laran Kumbili baluk ida sei fo bosu ba moris,

    Iha lafatik laran... tahek hela Daun ne’ebe hamlaha ba kabas mamar,

    tan fulan datoluk mak aman, oan no espiritu.

    Apeu poet (1992)

    ReplyDelete