My photo
Um escritor, um poeta, um aventureiro,

Tuesday, 13 December 2011

Komandante jerál PNTL, husu ba timor-oan hotu, atu fó konfiansa ba polísia


13 de Dezembro de 2011, 15:26

Ohin, komandante husi Polísia Nasionál Timor-Leste, Longuinhos Monteiro husu ba timor-oan hothotu atu bele tau konfiansa ba polísia timor-oan sira, durante períudu eleitorál tinan 2012.

“Lori instituisain ne’ebé tutela ba seguransa iha Estadu Timór ne’e, ha’u husu ba komunidade timor-oan hirak ne’ebé iha ona direitu ba votu nó ba mós hirak ne’ebé la konsege tuir votasaun tanba de’it razaun oioin, atu bele tau fi’ar ba polísia”, tenik komisáriu Longuinhos Monteiro.

Komandante jerál PNTL nian, ko’alia lia hirak ne’e ba jornalista sira, durante konferénsia imprensa ne’ebé halo, hodi esplika kona-ba oinsa forsa seguransa sira prepara sira ninia-an hodi fó seguransa durante eleisaun prezidensiál ne’ebé mak sei hala’o iha fulan Marsu nó eleisaun lejislativa nian, ne’ebé mak sei hala’o iha fulan Juñu.

“Sente hakmatek ba, tanba sei promove seguransa durante festa demokrasia nian”, haktuir komisáriu Longuinhos Monteiro, hodi hatutan tan katak, ida ne’e mak sai nu’udar povu Timór ninia mehi nó hanesan mós objetivu ida ne’ebé fasil tebes, atu alkansa.

Komisáriu Longuinhos Monteiro heteten mós katak, halo ona ezersísiu oioin nó sira bá haree ona mós fatin hirak ne’ebé atu sai urna ba eleisaun nian, nó konsege identifika problema hirak ne’ebé bele mosu nó bele impede operasaun iha fatin refere. “Iha fulan Janeiru, sei halo avaliasaun konkreta ida kona-ba preparasaun ne’e. Ami prontu. Kna’ar únika ne’ebé fó ba ami mak atu halo seguransa interna, nó ami prontu atu halo ida ne’e”.

Lusa/Fim

No comments:

Post a Comment