My photo
Um escritor, um poeta, um aventureiro,

Saturday, 29 January 2011

Hillary Clinton vizita Timor iha fulan Julho




Tuir notisia ikus nebe mak agencia Lusa hatun iha loron 28 fulan ne'e, Sekretaria Estadu Norte-amerikano, Hillary Clinton, sei vizita ofisialmente Timor-Leste iha Julho tinan ne'e, fo sai ohin ministro Negosius Estranjeirus Timor.

Zacarias da Costa dehan ba Lusa katak sekretaria Estadu rasik promete tiha ona vizita ne'e durante sorumutu iha Hanoi (7/2010), i vizita sei realiza iha julho, aproveita nia deslokasaun ba Azia Tenggara.

"Konforme Sekretaria Estadu rasik premete iha Hanoi, iha julho bele finalmente vizita Timor, aproveita nia deslokasaun to'o Bali (Indonesia)", dehan ba Lusa MNE Timor, Zacarias da Costa.

Haktuir ministro, Timor-Leste hahu ona preparasaun ba vizita ne'e i ba objetivu ne'e Departamento Estadu norte-amerikano sei haruka nia alto funsionariu vizita uluk Timor iha fulan Marsu mai.

Relasaun entre Timor-Leste ho EUA la'o diak ba oin, regista ho kooperasaun crescente iha area defeza, saude no seluk, nomos konsolidasaun iha instituisoes estadu.

Afirma-an empenhado iha "ajuda Timor-Leste atu hametin paz no seguransa, halakon ki'ak no konsolida demokrasia", tuir aktual embaixadora, Judith Fergin, EUA dadauk fo apoio ba profisionalizasaun forsa F-FDTL, nebe'e sira realiza exerxicio hamutuk dala rua ona.

Ho periodiku, Timor-Leste iha vizita hosi forsa ro-ahi Amerika iha Pasifiku, sira mos aproveita para hari'i hikas ka reconstroi eskolas no sentru komunitariu, mos fo kuidadus medikus ba populasaun sira.

Alem de vertente militar, programa amerikano sira kobre mos area sira hanesan combate ki'ak, apoio kresimentu ekonomiku no formasaun, nomos ba konsolidasaun iha intituisoes demokratika.

Lusa mos desenvolve notisia konaba envolvimento iha reforso ba sistema justisa no parceria ho Parlamento Nacional ba kapasitasaun legislativa deputadu sira i formasaun ba funcionarius, kria biblioteka parlamentar, organizado ho apoio husi congresso norte-amerikano.

Fonte:http://www.freewebs.com/forum-haksesuk/hillary_clinton_vizita_timor_julho2011.htm

No comments:

Post a Comment