My photo
Um escritor, um poeta, um aventureiro,

Sunday, 29 August 2010

Nobel da Paz 96

Sira nain rua hamrik hamutuk.
Ida-idak ho ninia orgulhu.
Ida-idak ho ninia historia.
Ida-idak ho ninia Obra Humana.

Ida hatais fato metan hanesan ema malae.
Ida seluk hatais tuir ema Vatikanu.
Maibe sira nain rua ema Timor.
Fuan ida deit.
Laran ida deit.
Hanoin ida deit.
Hakarak ida deit.

Sira nain rua hatudu sira nain rua ninia Nobel da Paz.
Sira nain rua hatudu sira nain rua ninia Sertifikadu Humanu.
Sira nain rua hatudu sira nain rua ninia Obra Humana.
Sira nain rua hatudu sira nain rua ninia Simplisidadi.

Sira nain rua hamrik hamutuk.
Hasai foto hamutuk.
Hamnasa hamutuk.
Ida tau okulu kabuar hanesan John Lennon,
Ida seluk iha karakter hanesan Dalai Lama, Martin Luther King, Nelson Mandela, Mahatma Gandhi.
Ida hamrik hosi Lorosa’e.
Ida hamrik hosi Loro Monu.

Historia hanesan ne’e sei la repete tan.
Ema Timoroan nain rua simu Nobel da Paz.
Historia hanesan ne’e labele repete tan.
Timor nia terus, Timor nia susar.
Labele mosu tan.

Viva 30 de Agosto 2010

No comments:

Post a Comment