My photo
Um escritor, um poeta, um aventureiro,

Tuesday, 18 May 2010

Horta Husu Ho Haraik An, Timor Oan Labele Halimar Ho Kilat






Written by Atay Alves
Tuesday, 18 May 2010

CJITL flash,
Iha Segunda feira horseik, Prezidenti Republika, Jose Ramos-Horta hala’o chek up ba ninia kondisaun saude iha Hospital Nasional Guido Valadares, (HNGV) hodi hare progresu husi ninia kondisaun saude, hafoin hetan atentadu ne’ebe iha 11 Fevereiru 2007 ne’ebe hakanek Xefe Estadu.

Iha prosesu chek up ne’ebe hala’o husi doutores Timor-oan sira ne’e Xefe Estadu hatan hodi media sira mos bele halaoo kobertura to’o prosesu ne’e nia rohan, hodi nune’e publiku mos bele hatene kondisaun Xefe Estadu nian ne’e.

Hafoin prosesu chek up ne’e ramata, doutor Mendes Pinto ne’ebe lidera prosesu ne’e esplika katak, jeralmente kondisaun Xefe Estadu nian diak, maibe iha fatin kanek sorin kuanan nian ne’ebe bala musan ninia rahun balun sei iha Prezidenti nia isin lolon, ne’ebe mak dala ruma provoka moras wainhira Prezidenti Republika hala’o servisu maka’as.

Entertantu hafoin prosesu check up, Xefe Estadu hateten katak nia hakarak duni halo check up iha Timor-Leste , tamba hakarak fo konfiansa ba mediku Timor- oan sira iha rai laran

Ho ninia kanek ne’ebe nia rasik hatudu ona ba Publiku Xefe Estadu apelu ba sidadaun hotu atu labele halimar-tan ho kilat, tamba ho kroat sira ne’e mak hamosu vitima barak iha nasaun ida ne’e.

Iha biban ne’e mos Dr.Rui Maria de Araujo, eis Ministru Saude, nebe hetan konfia husi governu hodi akopmpanha Xefe Estadu wainhira sei hala’o taratmentu iha Hospital Royal Darwin, ho Prezidenti Republika nia autorizasaun, hatudu fotografia ho power point ba prosesu operasaun ba Prezidenti Republika nian iha Hospital Royal Darwin.(*/CJITL)
Last Updated ( Tuesday, 18 May 2010 )

No comments:

Post a Comment