My photo
Um escritor, um poeta, um aventureiro,

Saturday, 29 May 2010

Estudante Iha Kuba Ejiji Pagamentu Subsidiu Eskolar Tuir Orariu





Written by Jessy Vilanova no CJITL Internship Baucau
Friday, 28 May 2010
Image
Estudante TL iha Kuba (partial), foto ist.
CJITL flash,
Problema pagamentu subsidiu eskolar ba Estudante medisina iha Kuba, halo Komisaun F, Parlamentu Nasional husu ba Ministru Saude atu tau matan didiak ba nesesidade estudante sira nian.

Cipriana Pereira, Prezidente Komisaun F, husu ba Ministeriu Saude atu trata kondisaun estudante medisina iha Kuba ho diak, liu – liu labele atraza pagamentu ba orsamentu subsidiu ba estudantes sira to’o fulan ne’en mak simu dala ida.
“Orsamentu ne’ebe estudante sira simu kada fulan ida $50 ne’e ba sira nia presiza,ami koalia tiha ona ba ministeriu saude atu halais nia pagamentu labele fali fulan 6 mak simu dala ida, ami kuando enkontru hamutuk ho Ministru Saude ho nia Direktur sira sempre kestiona problema ne’e” Cipriana haktuir ba CJITL, iha uma fukun, Kinta Feira (27/5).

Tuir faktus ne’ebe CJITL simu husi kuba Kuarta feira ne’e katak pagamentu subsidiu ba estudante sira sempre tarde no ida ne’e afeita tebes ba nesesidade loron – loron sira nian iha Kuba.

“Desde Embaixador Egidiu de Jesus ba iha Kuba, prosesu orsamentu ba estudante lao ladun diak kompara fali ho tempo uluk nian estudante sira simu osan tuir horario” hateten estudante ida ne’ebe lakohi CJITL publika nia identidade.

“Iha Kuba, estudante sira la barani atu koalia tamba sira tauk lakon sira nia kareira iha Medesina no sira tauk atu koalia ba Embaxada iha Kuba” Estudante ne’e hatutan iha karta ne’ebe CJITL simu.
Reporter CJITL iha Kuarta no Kinta semana ne'e tenta atu halo konfirmasaun ho parte Ministeriu Saude, maibe tuir resepsionista iha iha Ministeriu Saude Katak Direitor ida ne;ebe tama konta ba asuntu ne'e naran Diamentino no nia sei iha hela viajen ba Indonezia.
"Imi bele mai fali segunda feira semana oin" Resepsionista ne'e hateten. (Angelina, Idalia & Jessy/CJITL)

No comments:

Post a Comment