My photo
Um escritor, um poeta, um aventureiro,

Friday, 16 April 2010

SC: Hau Halo Relasaun Sexual Ho Mane Timor Deit





Written by Jessy Vilanova & Eva Almeida
Friday, 16 April 2010
ImageCJITL Investigative Reporting, Nia naran inisial SC nia kaben ho idade tinan sanulu resin ha’at (14), mane ou la’en kaben husik hela tamba razaun la klaru, ikus mai SC Moris frustrado hafoin laen husik hela nia ho oan mane ida ho idade ne’ebe bebe hela (fulan ualo) ikus mai nia deside an hodi moris hanesan prostitu ou sex livre. Oinsa feto bonita morena ne’ebe foin idade tinan 15 ne’e nia moris ho mane sira hodi hetan osan atu sustenta nia vida no labarik ne’ebe sei ki’ik tuir mai ne’e intervista ida exlusivu ho feto ran iha nia hela fatin ida iha kapital Dili iha Domingu, loron 11 fulan Abril 2010 iha tuku 07.00 kalan. Atu hatene kompletu, Ita hamutuk ho Reporter CJITL nain rua Eva Almeida ho Jessy Vilanova lori ita ba hatene SC nia realidade:

CJITL Reporter: Ami bele hatene ita nia Naran?
X: Hau nia naran SC (note; identidade kompletu inklui foto no husi distritu ne’ebe no mos identidade familia, redasaun CJITL deside la fo sai)

Reporter: Ita bo’ot nia idade agora hira?
SC: hau nia idade agora tinan 18

Reporter: Ita sira hamutuk nain hira?
SC: Ami hamutuk nain lima (5) no hau oan primeiru (1)

ImageReporter:Ita bo’ot remata eskola nivel sai ida?
SC: Hau tamat deit SD (Eskola Primaria_red).

Reporter: tuir informasaun ne’ebe ami hetan katak, ita bo’ot halao knar ka vida sex livre ho se deit?
SC: Sim ne’e los

Reporter: Tamba saida ita bo’ot halao vida hanesan ne’e?
SC: Tamba ami nia inan aman la iha forsa atu tanggung jawab ami ne’e mak ami hodi halao ida ne’e tamba estadu la tau matan e depois inan aman mos la iha forsa para tanggung jawab ami nee mak hodi ami halao vida hanesan ne’e ransu-ransu kolega sai estraga vida hanesan ne’e, se bele ami moris hanesan ne’e estado tenki tau matan mai ami timor oan sira ne’ebe hetan ona hanesan ne’e hau hakarak moris hanesan ne’e ona estado tau matan mai ami kria servisu mai ami sira ne’ebe a’at hanesan ne’e bele hetan servisu oituan .

Reporter: Agora ita bo’ot iha oan ka lae?
SC: Hau iha oan mane ida foin mak fulan 8 sei hemu hela susu ben, nia naran A

Reporter: Oan ne’e ita bo’ot nia inan aman hatene ka lae?
SC: Pai ho Mae hatene hotu agora hela ho hau iha hau nia hela fatin iha Dili

Reporter: Halo relasaun sexu livre mak hetan labarik nega, oinsa?
SC: Lae, Hau pernah kaben ho hau nia laen, maibe hau kabenho ida sei ki’ik (14) hau nia la’en presiza deit hau nia virjen, kaben iha Igreja hetan oan ida depois agora foin fulan 8 depois hau nia laen hare eskola oan sira nia monu ba eskola oan sira ne’e no ikus mai nia metin iha neba no husik hau.

Reporter: ita bo’ot fahe malu ho laen iha sa tinan?
SC: Hau cerai ho hau nia laen halo fulan 6 ona hau nia oan sei bebe agora labarik halo fulan 8 ona

Reporter: Momentu ho laen divorsiu ou cerai, desizaun saida mak inan aman foti hasoru mane?
SC: Agora ami nia kazu seidauk hotu ne’e duni hau lakohi imi publiku hau nia foto ho hau nia naran ba publiku tamba buat ne’ebe hau halo ne’e iha kotu-kotuk deit ne’e duni hau lakohi para sira ketahuan hau tamba hau tauk sira tarik fali labarik husi hau.

Reporter: Razaun saida ita bo’ot cerai ho laen sai moris vida hanesan ne’e?
SC: Hau tankap basah wainhira hau nia laen toba ho feto ietudante oan sira ne’e mak hau hetan hau toman hau husik nia. Momentu ami kaben mane lori nia familia hasoru hau nia inan aman. Hau nia laen kaben nia idade tinan 30 nia naran CS, Nia eskola iha universidade agora nia servisu iha kompania T iha F (redasaun sensura fatin) agora nia kaben fali ho Feto seluk.

Reporter: Ita bo’ot komesa hahu vida ida ne’e ho mane sira iha sa tinan?
SC: Foin lalais ne’e mak hau hahu halo relasaun sex ho mane sira iha tinan 2009.

Reporter: Ita bo’ot involve an ba Vida hanesan halo relasaun sex ho mane liu husi ema ruma ka lae?
SC: Sim, liu husi ema ruma maibe hau labele hateten sai ema ne’e nia naran, hanesan ransu kolega mak sai pengaruh.

Reporter: Bainhira kuando mane ajak ita bo’ot halo relasaun sexu, maibe ita bo’ot hanesan lakohi no sira halo torturasaun ruma ba ita bo’ot iha ka lae?
SC: Dalaruma mane balun kuando kalan bo’ot ami la’o ho sira ajak atu halo relasaun sex kuando ami lakohi sira paksa ami kaundo paksa ami lakohi sira baku ami kuando ami la entrega a’an ba sira, bele mos sira hanoin at (halo planu) mai ami jadi ami tenki entrega a’an ba sira.

Reporter: Ita bo’ot biasa halo langanan ho mane malae ga Timor?
SC: Biasa ami halo langanan ho Laki laki (mane) Timor Deit.

Reporter: Sira kuando halo relasaun sex ho imi biasa selu hira?
SC: Hanesan kuando iha sorti diak sira selu ami $80 ba leten kuando la iha entaun hetan deit $ 50

Reporter: Kuando halo relasaun sex imi gunakan sada hodi prevene moras HIV/IDS?
SC: Kalau hakarak ses an husi moras uza kondom, hemu aimoruk, atu hodi fase laran.

Reporter: Iha fatin ne’ebe imi uja halao relasaun sex?
SC: Iha kualker fatin ne’ebe deit sira ajak ami hodi tama iha ne’eba.

Reporter: Dala ruma ita bo’ot desidi fatin ka lae?
SC: Lae hau la desidi fatin mane mak desidi fatin. (Reporter Investigativu: Jessy Vilanova ho Eva Almeida)

No comments:

Post a Comment