My photo
Um escritor, um poeta, um aventureiro,

Friday, 16 April 2010

CF: Hau Nia Langanan Mos Mesak Mane Timor Oan Deit La'os Malae





Written by Jessy Vilanova
Friday, 16 April 2010
ImageCJITL Investigative Reporting, Nia Naran CF (foto no identidade kompletu iha redasaun) Nia Idade 46, Nia iha oan mane nain rua no feto nain rua, agora dadauk nia hela ho nia oan feto ida ho inisial M, ne'ebe sira nain rua nia moris loron -loron mak halo vida prostitutu hodi bele sustenta nia moris. CF nu'udar faluk ida husi militar Indonezia ida, bainhira nasaun ne'e hetan okupasaun. Bainhira Timor hetan ukun an, Nia La'en husik hela nia fila ba Indonezia, nune'e dalan uniku ne'ebe CF bele hili atu kontinua nia moris mak vida prostitu, tuir mai ne'e intervista kompletu ida entre reporter CJITL, Jessy Vilanova ho CF iha nia hela fatin iha loron 12 Abril 2010, oras tuku 02.30 loraik.

CJITL : Tamba saida mak ita bo’ot hakarak hala'o servisu kona ba vida prostitu ne’e?
CF: Hau la'os dehan servisu konaba ida ne’e, hau nia laen uluk iha, ema Indonezia, hau nia laen sei iha karik hau la halo servisu ida ne'e, tamba uluk hau nia la'en servisu iha ne’e, maibe agora hau nia laen fila fali ba nia rain Indonesia ona,sebenarnya hau iha servisu oituan tapi rasa-rasanya sevisu ne’e la mencukupi kehidupan hau nian,hau laos feto nakar maibe hau nia kondisaun mak halo hau sai hanesan ne’e.Namanya ita lao sala dalan, memang la iha servisu ba ami hanesan Eis ABRI (TNI) nia ferik oan, ita tenki hatene Inglesh, Portugues no komputador no ami lahatene ida ami atu halao saida, Ministeriu sira loke vaga sira hakarak tenki hatene komputador, Inglesh no Portugues, ida ne’e ami la hatene ami atu halo saida los, jalan terbaik ami tenki halao servisu ida ne’e hodi sustenta ami nia uma laran.

CJITL : Razaun ne'e mak halo ita bo’ot hakarak tama ba servisu ida ne’e?
CF: sei karik governu tau matan ba ami tamba ami ne’e la iha ema ida atu tangung jawab ba ami, berarti mau tidak mau ami tenki halo servisu konaba ida ne’e, sei kuando estado tau matan ba mi ne’ebe hanesan janda ami sei la hala'o servisu konaba ida ne’e, sei kuando estado tidak menhiraukan ami, ami atu husu bantuan ba se kuando ami la hala'o servisu konaba ida ne’e, jadi mau tidak mau ami tenki halao servisu konaba ida ne’e.

CJITL: Ita bo’ot halao servisu ida ne’e tinan hira ona?
CF: Hau hala'o servisu konaba ida ne’e tinan ida (1)ona hodi sustenta hau nia uma laran.
CJITL: Tamba saida mak ita bo’ot hakarak soe ita bo’ot nia la’en?
CF: Tamba rai Timor, ita agora ukun a’an ona ita labele husi ita nia rai ida ne’e, hau nia laen ema ABRI, jadi Timor ukun ona nia tenki fila ba nia rain, hau labele halai tuir nia ba Indonesia tamba hau lakohi husik hau nia familia, hau oan feto mesak ida (anak tungal) hau nia razaun mak hau labele husik hau nia inan ne’ebe agora ferik ona ho idade 70. La'os tamba rai Timor mak hau lakohi ba ha nia la’en nia rain, maibe tamba hau nia inan mak hau lakohi ba, ita nia familia iha ne’e hotu tidak mungkin ita atu husik ita nia familia.
CJITL: Oinsa ho komunidade sira ne’ebe hare ita bo’ot nia servisu hanesan ne’e?
CF: Sim, klaru, hau halao servisu ida ne’e hau deit mak hatene,hau bain-bain halao hanesan ne’e hau koalia kedas hau nia pribadi hau nian an katak so hau mak hatene ema seluk labele hatene konaba hau nia pribadi, Vijinu sira bele hatene tamba laiha ema ida atu tangung jawab ba hau ho hau nia oan sira, sira hatene konaba hau halao servisu konaba ida ne’e no sira la sibuk ho hau nia servisu ne’e, mos iha vijinu balun koalia oinsa-oinsa ne’e hau tau ba kotuk.
CJITL: Durante ne’e ita bo’ot nia langanan ne’e se se deit ?
CF: Hau nia langanan ne’e mesak ema Timor oan deit laos mala’e, hau nunka halo langanan ho mala’e hau nia langanan ne’e so hau mak hatene ,hau nunka fo hatene hau nia langanan ba ema seluk.

CJITL: Durante ne’e ita bo’ot sira halo Free Sex (berhubungan) ne’e iha torturasaun (kekerasan) ga la’e?
S: Buat ne’e klaru duni tamba ita halao free sex ne’e iha torturasaun duni no ita hanesan ne’e ona ita tenki pasiensia tamba ita hanesan ne’e tiha ona no ita atu halo saida los, ema ida mos la tau matan mai ita. (Reporter CJITL, Jessy Vilanova)

No comments:

Post a Comment