My photo
Um escritor, um poeta, um aventureiro,

Wednesday, 24 March 2010

Silveiro Pinto Hetan Tan Fiar Servicu Hamutuk Ho Sebastiao Dias

Silverio tu'ur iha sorin karuk, iha Abono nia sorin (Foto hasai entre tinan 93/94/95)




Written by Emilia Ana
Wednesday, 24 March 2010
Image
Silveiro Pinto Baptista










CJITL Flash,
Tuir lolos Provedor eleitu Sebastião Diaz Ximenes hetan ona tomada de posse hamutuk ho nia adjuntu nain rua iha Sexta semana kotuk maibe la konsege realiza tanba sei hein orden husi Parlamentu Nasional (PN).

Dadaun ne’e Provedor sei hala’o viajen ba Genebra tamba ne’e serimonia tomada de posse sei adia no sei hala’o hafoin festa paskoa.

Maske seidauk fo sai ba publiku ofisialmente, maibe kandidatu ida ne’ebe sei sai hanesan Adjuntu Provedor fo nia intervista eksklusivu ba reporter Centru Jornalista Investigativu Timor Leste (CJITL), Emilia Martires, Kuarta feira 24/3 ne’e iha nia servisu fatin Kaikoli, Dili.

CJITL: Tuir informasaun dehan katak ita boot mak sei nomeia fali atu kontinua servisu hamutuk ho PDHJ ne’e los ka lae?
Silverio Pinto (SP): sim, tuir lolos ne’e sei segredu. Primeiru hau hakarak hateten katak wainhira provedor releitu fali, provedor rasik bolu hau pesoalmente atu kontinua ajuda nia, ba hau prontu, hanesan Timor oan klaru katak estadu ne’e maka presija atu kontribui ba nasaun, hau prontu atu kontinua nafatin konfiansa ne’ebe mak provedor fo mai hau, hau simu atu hala’o knar nudar adjuntu ba PDHJ iha tinan 4 tan, tamba ne’e hau fo obrigadu ba primeiru provedor Timor Leste nian ne’ebe sei fo fiar nafatin mai hau atu servisu hamutuk ho nia atu dezenvolve nasaun ne’e, instituisaun no komunidade.

CJITL: Mudansa saida mak ita boot sei Halo?
SP: Hmmm, Primeiru mudansa ne’ebe sei halo maka mudansa estrutura, tamba antes de Komisaun Anti Korupsaun-KAK iha ami iha knar ida konaba kombate korupsaun maibe depois KAK hari’i tiha knar ami nian ne’ebe kombate korupsaun lakon husi ami, entaun mai oin ami sei halo re-estrutura foun fali, tamba ami nia knar ne’e hela rua deit hanesan, Direitus Umanus no Boa Governasaun.

CJITL: Oinsa ho ita boot nia servisu durante ne’e hafoin ita boot nia mandatu hotu?
SP: Sim, durante ne’e hau hala’o hau nia servisu ho provedor hanesan bai-bain, tamba iha inisiu Janeiru ne’e ami halo ona programa annual 2010, tamba ne’e to’o agora ami dadauk implementa servisu tuir planu annual ne’ebe ami halo tiha ona iha inisiu.

CJITL : Maizumenus bainhira mak ita boot ho provedoria hetan posse?
SP: Konaba tomada de posse, ohin hau konsulta ona ho Xefe gabineti prezidenti Parlamentu Nasional PN katak sei hala’o entre dia 12-16 Abril, maibe seidauk serteza data lolos. Tamba iha Kinta, Sexta ne’e membru parlamentu sira barak mak la tama, tamba ne’e tuir hau nia hanoin ita tersa ou kurta, entre dia 13 ou 14. (Emy/CJITL)

Nota oan ida hosi blog nain:
Konhese Silverio kuandu uluk nia sei hanesan ativista ativu iha faze libertasaun nasional, nomos, hanesan estudanti iha Universidadi Indonesia (UI), Fakuldadi Direitu.
Ami sempre tu'ur hamutuk iha nia kost, Depok, hodi diskuti konaba Timor Leste ninia problema.
Konsidera Silverio hanesan ema nebe iha responsabilidadi no sensitivu ba kestaun Direitus Umanus. Ne'e duni, Silverio merese hetan kargu hanesan adjuntu ba PDHJ. Parabens Silverio.

Celso Oliveira


No comments:

Post a Comment