My photo
Um escritor, um poeta, um aventureiro,

Tuesday, 30 March 2010

FULAN ABRIL, BISPO DIOSEZE MALIANA HETAN ORDENAMENTO IHA TASITOLU



.


Written by CJITL Editor - Tuesday, 30 March 2010

Maliana flash, Bispu Dioseze Dili Mgr. Alberto Ricardo da Silva, hasai ona nota pastoral ba sarani katolica Timor Leste katak selebrasaun misa ordenasaun ba Bispo foun Dioseze Maliana, Mgr. Norberto do Amaral sei halao iha Tasi Tolu, Dili.

Misa sei halao iha loron Sabadu 24 de Abril 2010, no misa konsagrasaun halao iha domingu (25/4), iha salaun Igreja Santa Cruz Maliana, Igreja ne’e sei sai Centru ba Dioseze Sagrado Corasaun de Jesus Maliana.

Sarani husi Distritu Bobonaro, Kovalima no Liquiça sei sai parte ba iha Dioseze Maliana nian, no iha misa ne’ebe atu mai sarani reprezentante Sarani husi Dioseze Dili no Dioseze Baucau mos sei partisipa iha misa ordenasaun Bispu foun.

Papa Bento XVI nomeia Padre Norberto Amaral, sai Bispu foun ba Dioseze Maliana Distritu Bobonaro, Nomeasaun Pe. Norberto fo sai liu husi portavos vatikanu ne’ebe Radio Renascença (RR) publika iha Sabadu (30/1), tuku 00.00 oras Vatikanu, Italia.

Tuir RR fó sai liu husi nia korespondente Aura Miguel katak, notisia badak ka Flash husi portavoz Vatikanu nian katak Pe. Norberto Amaral, hetan fiar husi Vatikanu atu hala'o knar nudar Bispu Dioseze foun ne’ebe sei loke iha Maliana, Timor Leste.

Pe. Norberto Amaral, tinan 53, moris iha Distritu Ainaro, sei ki’ik hahu nia eskola Ensinu Baziku iha Ainaro, eskola Seminario Menor S. Francisco Xavier Dare Seminario Menor Nossa Senhora de Fatima Dare.

Bainhira okupasaun Indonezia, Pe. Norberto ba kontinua ninia estudu iha Semenariu Maior Ritaperit iha Flores-Indoneszia.

Ordena sai nudar Padre iha tinan 1988 no hetan fiar husi Bispu Dioseze Dili iha Biban ne’eba, Dom Carlos Filipe Ximenes Belo, nudar paroku Maubisse.

Tuir nota Pastoral Amo Bispu Dioseze Dili, D. Alberto Ricardo Silva Fo sai katak Igreja Timor Leste simu ho laran luak ho bensaun nai Maromak nian ne’ebe loke Santidade Bento XVI nia laran hodi hili Pe. Norberto Amaral de Araujo, lidera Dioseze foun Maliana.

Nota Pastoral Dioseze Dili nia le’e aberta ba sarani iha parokia hotu-hotu iha missa Domingo babain ba dala ha’at (4), loron 31, fulan Janeiru tinan 2010.

Timor Leste aktual iha Doseze tolu (3), hanesan Dioseze Dili, Dioseze Baucau no ikus liu mak Maliana. (Edited news STL 30/3)

No comments:

Post a Comment