My photo
Um escritor, um poeta, um aventureiro,

Saturday, 6 March 2010

"Ami Sei Lori Heroi Sira Ba Australia"





Written by Calisto da Costa & Mariano
Saturday, 06 March 2010
Image
Ke'e Mate Ruin Tasitolu/CJITL
CJITL flash,
Tim Forensiku Internasional identifika ona mate ruin hamutuk 9 hahu husi loron 26 Febreiru to’o agora no ruin sira ne’e sei lori ba Australia atu hetan teste DNA.

Gaspar Oliveira Sarmentu, Koordenador Team Forensiku husi Universidade Victoria Australia informa lia hirak ne’e ba reporter CJITL iha fatin ke’e mate ruin Tasitolu, Dili.
"Ruin husi heroi sira ne'e sei lori ba Australia atu tuir teste DNA" Gaspar haktuir.
Gregorio Saldanha, Prezidente Komisaun 12 Novembru ne’ebe mos iha fatin hanesan ba CJITL nforma katak konstrusaun ba Otel Fitun Lima ne’e tempo agora ba oin tenki hapara provizoriamente hodi nune'e prosesu buka mate ruin bele la'o ho suseso.

Image
Gregorio Saldanha/CJITL
Gregorio mos salienta tan katak estadu tenki tau atensaun maximu ba asuntu ida ne'e, tamba sira nia mate mak ita hetan ita nia independensia.

Saldanha sujere katak maske aban bainrua konstrusaun ne’e kontinua fila fali mos iha fatin ne'e tenki hari monumentu ida hanesan rekordasaun ida.

Prezidenti Komisaun Organizadora 12 de Novembro hanesan mos familia mate restu sujere ba estadu tomak atu hare restus mortais sira nebe hetan iha fatin refere hanesan asuntu ne'ebe prioritario tamba asuntu ne'e mak ema tomak hein kleur ona. (Calisto & Mariano/CJITL)

No comments:

Post a Comment