My photo
Um escritor, um poeta, um aventureiro,

Saturday, 6 February 2010

Asuntu: Mari Alkatiri ninia deklarasaun ba TVTL

NGO Tur Hamutuk (TH)
Av.Presidente Nicolau Lobato, Nº.7, Dili,Timor-Leste
Email: tur_hamutuk@gmail.com

Press Release

Hare no rona dada lia iha TVTL, iha programa dada lia hamutuk ho Sekjen Fretilin no ex-PM iha I Governu Konstitucional. Mari Alkatiri iha ninia mensajen ne´ebe hakarak hatou ba publiku hakarak manipula faktus no hatou informasaun falsu konaba situasaun politika iha biban ninia governasaun no buka desfia atensaun husi faktus ne´ebe akontece dadaun hanesan, problema violencia ne´ebe organiza husi grupus kriminozus ka ho naran «Ninjas» iha distritus Bobonaro no Kovalima.

Iha Mari Alkatiri ninia hateten iha TVTL (05/02/2010,19:30-20:00 Htl) no saida maka nia hakerek iha Facebook (FB,02/02/2010). Hatudu momos katak Mari Alkatiri ho ninia planu politika, ne´e duni hatou ba publiku katak:

1.Deklarasaun Mari Alkatiri nian, oinsa maka desvia atensaun ba movimentus Ninjas ne´ebe maka halo aktividades ne´ebe halo mate populasaun civil iha distritus Bobonaro no Kovalima.

2. Se desvia atensaun tamba saida? Keta tauk buat ruma karik, tamba operasaun ne´ebe maka PNTL halao dadaun no sei prolonga ba tan fulan nem (6) tuir decisaun estadu nian bele deskobre lolos, se se maka iha Ninjas nia kotuk.

3. Tamba saida maka Fretilin ho Mari Alkatiri tauk no nakdedar ho operasaun kontra Ninja?

4. Se dehan sentidu estadu? Estadu labele tur iha kadeira, hela iha uma estadu, sae kareta estadu tamba Lei ex-titulares maka obriga. La iha sensibilidade no la iha sentimentu ba povu ne´ebe terus no moris iha susar nian laran tamba aktividade Ninja.

5. Mari Alkatiri ninia komentariu badak ba Facebook no ninia dada lia iha TVTL hatudu momos katak Mari Alkatiri maka hakarak defende fali Ninja sira hoi kondena makas ba opersaun PNTL hodi hapara Ninja no fo konfiansa ba povo ne´ebe moris iha fronteira.

6. Tansa ida maka Mari Alkatiri la kondena Ninja no kontra operasaun PNTL fali. Tamba aktividades Ninja iha Fronteira ne´ebe ninia konsekuencia bot ba estabilidade no seguransa nasional.

7. Se Mari Alkatiri la kondena Ninja no kontra operasaun PNTL ba restau ordem publika, hatudu katak ajenda saida maka iha aktividade Ninja nia kotuk?

Ho ida ne´e, husi Diresaun NGO Tur Hamutuk, ami tur hamutuk iha knua NGO Tur Hamutuk nian, hodi apelo ba:

1. Suporta ba operasaun PNTL ne´ebe sei prolonga tan ba fulan nem (6).

2. Suporta ba decisaun estadu nian atu F-FDTL back up ba oeprasau ne´e.

3. Husu ba autoridade sira atu kaer autor ba krimis Ninja nian lori ba procesa tuir lei ne´ebe maka vigora iha RDTL.

4. Buka hatene no kaer mos autor intelektual sira ne´ebe maka iha Ninja nia kotuk.

Husi diresaun Exekutivu NGO Tur Hamutuk,

Dili, 06 Fulan Fevereiru tinan 2010

Rui Costa

Direktus Exekutivu NGO Tur Hamutuk

2 comments:

  1. This comment has been removed by a blog administrator.

    ReplyDelete
  2. This comment has been removed by a blog administrator.

    ReplyDelete