My photo
Um escritor, um poeta, um aventureiro,

Friday, 12 February 2010

Aderito de Jesus Sei Simu Pose Iha 16 Febreiru, KAK Sei Rekruta Ema 38

Written by CJITL Editor
Thursday, 11 February 2010

Aderito J. Komisariu KAKCJITL flash, Hafoin Parlamentu Nasional iha semana kotuk konfirma ona Senhor Adérito de Jesus Soares nu’udar primeiru Komisariu ba Komisaun Anti-Korrupsaun, Komisariu ne’e sei rekruta tan ema nain 38 ho osan ne’ebe governu prepara ona ba tihan fiskal 2010 ho montante $ 1,045,000.

Tuir komunikadu ida ne’ebe CJITL hetan asesu, hateten Governu ne’ebé Xanana Gusmão lidera sei kontinua asegura KAK hetan fundu sufisiente hodi garante KAK nia servisu kontinua alkansa ho prátika ne’ebe mak efikásia i efisiente.Timor-Leste nia primeiru Komisaun Anti-Korrupsaun instala iha fatin sentral; eis Edifisiu Cruz Vermelha iha Dili, entre banku Mandiri ho BNU.
Adérito de Jesus sei hili nia adjuntus komisarius tolu. Sekretáriu Estadu Ágio Pereira deklara “ Estabelisimentu KAK nu’udar inisiativa ida demonstra komitmentu Governu ne’ebé Xanana Gusmão lidera atu promove prinsipiu ka lala’ok étika nian, responsabilizasaun no Governu ida mak transparente”.
“Ita orgoilu tebes tanba iha future, susesu hosi mekanismu mak ita kria hanesan meus ba rejolve problema nian, sei serve duni jerasoens iha loron ikusmai, wainhira Komisaun Anti Korupsaun kontinua promove lala’ok ka prinsipiu étika servisu nian ba ita nia povu nasaun ne’e".
Primeiru Komisariu ba Komisaun Anti-Korrupsaun ba Timor-Leste, Aderito de Jesus, sei simu pose ba kargu ida ne’e hosi Parlamentu Nasionál iha Tersa Feira loron 16. (*/CJITL)

No comments:

Post a Comment