My photo
Um escritor, um poeta, um aventureiro,

Wednesday, 13 January 2010

Governu AMP Konsidera Fretilin Tauk Aderito Sai Komisariu KAK

Written by CJITL Editor
Wednesday, 13 January 2010

Dili flash, Vise Primeiru Ministru ba Asuntu Sosiais, Jose Luis Guterres konsidera partidu fretilin tauk wainhira Aderito de Jesus mak lidera Komisaun Anti Korupsaun (KAK).
“Ita tenki hatudu iha pratika katak ita luta duni kontra korupsaun, laos ita koalia deit, maibe lakoi kontribui, tanba ne’e hau apela ba Fretilin ne’ebe lakohi partisipa iha prosesu Votasaun no la konkorda Dr. Aderito de Jesus pelumenus imi bele vota kontra, maibe tenki hatudu politika partisipasaun iha PN hili Aderito ba komisaun KAK, tanba KAK interese nasional “ Vice PM Asuntu Administrasaun , Jose Luis Guterres , kasu lia hira ne’e ba jornalista iha edifisiu MNE Pantai Kelapa Terca 12/01.
Eis Embasador ba Estadus Unidus iha tempo governasaun fretilin ne’e mos lamenta ho deklarasaun Xefe Bankada Fretilin Aniceto Guterres ne’ebe dehan AMP konsola nia atu lidera KAK.
Vice PM ne’e konfesa katak governu halo negosiasaun ho Fretilin atu hatudu sira nia kandidatu, la’os atu lobby Aniceto kaer KAK. “ne’e la’os lozika, governu kaer metin Dr. Aderito nudar kandidatu forte ba KAK” nia realsa.

Lider fretilin mudansa ne’e husu ba Mari Alkatiri atu hato’o ba nia bankada Fretilin iha PN hodi kontribui ba politika kriasaun KAK ne’ebe ho misaun atu kombate korupsaun iha rai laran.
“Hau husu Dr. Mari Alkatiri nia bankada atu halo esforsu kontribui ba KAK se sira la konkorda bele vota kontra para hatudu pozisaun lolos” dehan Guterres.
Nune mos Vice PM Asuntu Administrasaun Mario Viegas Carrascalo, husu Fretilin hatudu sira nia pozisaun. Tuir nia banhira Fretilin lakohi Timor oan kaer KAK, governu bele foti desizaun hodi hatudu ema estrangeru lidera KAK.
“Se kriteria Timor oan ne’ebe governu aprezenta Dr Aderito Fretilin dehan la diak, diak liu ita kontratu ho ema estrangeru maka mai kaer “ dehan Mario.
Parte seluk, hanesan Xefi bankada Fretilin Aniceto Guterres seidauk fo sai sira nia pozisaun kanaba KAK, maibe nia promete katak to’o tempu bankada Fretilin deklara ofisialmente ba publiku “hau sei halo deklarasaun ida ba publiku hotu-hotu atu hatene ami nia pozisaun” dehan eis ativista direitus humanus ne’e. (edited news STL 13/01)

1 comment:

  1. Olá Celso, sei que parece meio incoveniente eu vir aqui para falar de outro assunto. Peço desculpas por isso. Mas é que você não tem respondido aos emails sobre nosso projeto do livro de contos e pensei se seu endereço eletrônico não deu problema ou mudou. Ou quem sabe desistiu do projeto. Gostaria que me escrevesse para saber se você ainda está conosco.

    Grato!
    Abraço,

    Luís Delgado - luisarcan@hotmail.com

    ReplyDelete