My photo
Um escritor, um poeta, um aventureiro,

Monday, 7 December 2009

Tamba Hakarak Ba Irlandia, Inan Fa’an Oan Ho Folin $150





Written by CJITL Editor
Monday, 07 December 2009
Image
Mehi Loron Manas, ilust.
Dili flash,
“Bainhira Nia lori labarik ne’e ba uma, hau tunu hela paun, maibe nia ba bebeik ne’e intensaun atu fa’an labarik ne’e, ikus mai hau hola duni ho folin $150, Hau mos sosa deit ona labarik ne’e tamba hau seidauk iha oan” Luiza Koa fo testamunha kaju ida ne’e.

Iha Indonezia no nasaun seluk ita rona trafiku humanu barak, maibe trafiku humano ida ne’ebe akontece husi inan ida ne’ebe hakarak deit ba irlandia tenki fa’an nia oan ho baratu, ne’e akontece duni iha Timor, foin lalais.

Leonilda Goncalves mak inan ne’ebe tamba deit hakarak hadia vida moris liu husi ba servisu iha rai liur, nia tengki fa’an nia oan ho osan valor U$ 150, tanba la augenta ona ho kiak no mukit iha nia rain rasik.

Image
Ilustrasaun labarik
Timor Leste nebe foin hetan nia ukun aan no ratifika ona konvensaun internasional kona ba direitu labarik nian, maibe Inan-Aman sira seidauk iha konesementu klean konaba konvensaun ne’e.

Tanba ne’e iha fulan tolu liu ba Leonilda, hela iha Bebonuk, fa’an nia oan ho osan valor U$ 150, ikus mai nia tenki responsabiliza hahalok ne’e iha tribunal.

“Wainhira hau tunu hela paun, Leonilda sempre ba bebeik iha uma ,nia ba iha uma dala barak ona maibe foin lalais nia ba tan hau iha uma, ternyata nia ba ho intensaun fa’an nia oan nebe nia dehan laiha kbiit atu hakiak, nune’e hau fo osan hamutuk U$ 150 hodi sosa labarik ne’e,”Luiza Coa Kasu lia hirak ne’e ba tribunal sesta (04/12).

Luiza konfesa katak nia sosa labarik ne’e tanba nia ladauk kous oan, tan ne’e bainhira Leonilda ba ho intensaun fa’an oan laiha opsaun seluk atu rejeita .

Leonilda fa’an oan ne’e ho objetivu buka halo mudansa ba nia vida moris ho trata pasaporte ba buka servisu iha estranjeiru nebe promete hela moris diak no riku.

Tamba Leonilda atu hadia nia moris no hakarak sai riku lalais, ho nune’e nia fa’an nia oan nudar dalan korta, atu moris diak lalais ba buka servisu iha Irlandia, maibe asaun ne’e hetan impedementu husi Bendito Soares, (labarik nia aman) ne’ebe nudar funsionariu publiku.

Bazeia ba karta nebe rejistu iha Ministeriu justisa katak Rudy Soares (labarik ne’ebe inan fa’an) moris iha Hatulia 22 Agustus 2009 ho todan 79 kilograma no naruk 5cm sai problema tamba Leonilda ho nia la’en hakarak husu fila fali labarik ne’e husi ema ne’ebe sira fa’an ba, maibe ema ne’e lakohi entrega fila fali.

Iha loron 3 Dezembru 2009 Inan ho Aman bebe ne’e tenta husu hikas nia oan husi Luiza Coa nudar ema ne’ebe sosa, maibe la hetan konkordansia konaba kompensaun ka ganti rugi nebe Coa husu.

Responsevel sesaun krime, Agapito da silva husu parte rua buka resolve kazu ne’e liu husi Sekretariu Estadu Promosaun Igualidade (SEPI), FOKUPERS ou resolve sai husi tribunal.
Nune’e parte rua simu desizaun tribunal nian hodi buka esforsu atu hakotu kazu ne’e tuir pedidu tribunal nian. Edited news STL 05/12)

No comments:

Post a Comment