My photo
Um escritor, um poeta, um aventureiro,

Thursday, 17 December 2009

Difisil Ba Indonezia Fo Fali Lalais Nicolau Lobato Nia Ruin





Written by CJITL Editor
Tuesday, 15 December 2009

Dili flash,
Maske governu Indonezia prontu atu kolabora ho governu Timor Leste atu buka mate ruin Saudozu Nicolau Lobato, maibe prosesu refere presiza tempu no mos difisil teb-tebes atu realiza iha tempu badak nia laran, dehan PM Xanana Gusmao.

Iha inkontru nebe halao entre PM Xanana ho Prezidenti Republika Indonezia Susilo Bambang Yudhoyono foin lalais ne’e iha Bali-Indonezia, koalia mos asuntu ruin husi Saudosu sira nebe mak mate durante invazaun Indonezia ba Timor Leste.

“Ne’e laos hanesan livru ida nebe ema naok tiha ba rai iha neba be ita ba buka dehan livru ne’e rai iha nebe” dehan PM Xanana Gusmao ba jornalista sira hafoin inagura Edifisiu foun ba Polisia Militar iha Kaikoli, Segunda feira ne’e (14/12).

Xanana hateten, asuntu ida ne’e sensitivu no estadu komprometidu ona atu buka tuir nafatin, maibe la signifika atu hetan lalais rezultadu iha tempu badak nia laran.

“Estadu iha kompromisiu mak ne’e sei buka nafatin, kestaun sensitivu hanesan ne’e ita lalika ansi” katak nia.

Tan ne’e nia reafirma katak, presiza atu buka nafatin, maibe tenki ho neneik no ho esperansa nafatin katak loron ruma sei hetan rezultadu diak.

Ita buka neneik,buka nafatin to’o loron ruma ita sei hetan problema sira ne’e lalakon katak tenki husu bebeik maibe ita tenki rezolve problema nebe mosu iha realidade” Xefe governu ne’e deklara.

Hatan ba karik husi parte Indonezia pronto atu kolabora, PM ne’e dehan konserteza Indonezia prontu.

Ne’e iha (Rekomendasaun) CVA (Comisaun Verdade no Amizade TL-RI) hateten mos buat ne’e ,”nia deklara. (Edited news Timor Post 15/12)

No comments:

Post a Comment