My photo
Um escritor, um poeta, um aventureiro,

Monday, 30 November 2009

Zacarias Albano Promete Sei Lori Nicolao Lobato Nia Ruin Mai Dili





Written by Emilia Ana
Monday, 30 November 2009
Image
Zacarias Albano, MNE
CJITL Flash,
Ministru Negosiu Estranjeiru (MNE) Zacarias da Costa Albano hateten sei halo esforsu makas hodi tu’ur hamutuk ho governu no estadu Indonezia atu bele lori fila fali mate ruin Saudozo Nicolau Lobato mai Timor Leste.






Lia hirak ne’e hato’o husi Prezidenti Partidu Sosial Demokrata (PSD) hafoin enkontru Bilateral ho Executive Director of Counter Terrorism Committee of United Nation (UN) ba Timor Leste, Mike Smith iha Ministeriu Negosiu Estranjeiru Praia dos Coceiros, Dili, Segunda feira, (30/11).

Nia hateten kona ba kazu mate ruin Nicolao Lobato nu'udar nia resposabildiade atu oinsa bele trata lalais hodi bele resolve iha futuru oin mai hamutuk ho Indonezia.

“Hau hanoin ne’e hanesan kestaun ida ne’ebe ke iha meja leten hela, ami tenki follow up ho autoridades Indonezia para sira entrega fali Nicolao Lobato nia ruin mai Timor Leste”, dehan Ministru ne’e. “Tamba ne’e ita presiza tuur hamutuk ho sira”.

Relasiona ho ida ne’e maka governu Aliansa Maioria Parlamentar (AMP) liu husi MNE sei tu’ur hamutuk ho Ministru Negosius Estrangeiru foun Indonezia nian atu nune’e bele debate konaba asuntu ne’e.

“Iha dia 7 to’o 9 ami sei tu'ur hamutuk ho Ministru Negosius Estranjeiru foun Indonezia nian iha Bali hodi bele debate kona ba kestaun sira ne’e” tenik nia.

Nune’e mos, tuir planu sei koalia mos konaba funsionariu publiku ne’ebe uluk servisu iha tempo Indonesia atu nune’e sira bele hetan sira nia direitu.

“Kona ba pensaun funsionariu publiku sira ne’ebe uluk servisu iha tempu indonezia ne’e sei han tan tempu. Hateten Albano. (emy/cjitl)

No comments:

Post a Comment