My photo
Um escritor, um poeta, um aventureiro,

Sunday, 29 November 2009

Maijor Jenderal Taur Matan Ruak no Brigadeiro Lere Anan Timor Simu Tomada de Posse





Written by Emilia Ana
Saturday, 28 November 2009
ImageCJITL flash, komemorasaun Loron Independensia Unilateral Timor Leste 28 Novembru ne’ebe konhesidu ho naran Loron Proklamasaun ba tinan ida ne’e akompanya mos ho fo tomada de posse ba Taur Matan Ruak hodi sa’e deviza ba Maijor Jenderal ou Fitun Rua no mos Lere Anan Timor ho deviza foun Brigadeiro Jenderal ou Fitun Ida.

Selebrasaun loron proklamasaun independensia ba dala 34 ne’ebe monu iha loron sabdu semana ne’e, hala’o iha Palasiu Prezidensial Nicolao Lobato, Aitarak Laran, Dili.

Liu husi loron espesial ne’e, Prezidenti Republika, Jose Ramos Horta fo tomada de pose ba Komandante Jeral Falintil Forsa Defeza Timor Leste (F-FDTL) Jose Maria de Vasconselhos Alias Taur Matan Ruak no Tito da Costa Cristovão Alias Lere Anan Timor ho deviza foun ne’ebe aprova liu husi konsellu ministru iha loron 23 Fulan Novembru tinan ida ne’e.

ImageMaijor Jenderal Taur Matan Ruak, ba jornalista sira hafoin de serimonia remata hateten katak responsabilidade no konfiansa ne’ebe Povu no Estadu fo ba nia ne’e hanesan responsabilidade atu asegura diak liu tan funsaun FFDTL iha nasaun ida ne’e.

“Iha hau nia misaun, hau nia responsabilidade em primeiru lugar maka kredibiliza ita nia instituisaun F-FDTL no sigundu maka kapasita nia hodi kontinua kompri nia funsaun tuir mandatu konstituisaun nian”, hateten Taur. (Reporter emy/cjitl)

No comments:

Post a Comment