My photo
Um escritor, um poeta, um aventureiro,

Thursday, 26 November 2009

"Hau Fa’an Aileba, Tamba Hakarak Alin Sai Matenek La’os Beik Hanesan Hau"





Written by Domingos da Silva
Thursday, 26 November 2009
Image
Alberita ho Reporter CJITL
Indepth news,
Alberita de Jesus nu’udar aileba ida hodi ajuda inan aman suporta alin sira ba eskola, la’o loron tomak la hanoin atu han hodi fa’an nia has, to;o Kalan mak Fila ba uma.








Alberita De jesus fa’an aifuan ka sai aileba desde idade sanulu resin lima(15), to,o agora ho idade rua nulu resin rua(22), maske ho idade nebe mak joven la moe atu faan hodi ajuda inan aman atu haruka no selu alin nia eskola.



“Hau fa’an tanba hau nia hakarak rasik atu nune’e bele suporta alin sira ba eskola, laos inan aman mak haruka hau, hau hakarak ajuda hau nia inan aman” dehan Aberita ba CJITL online iha loja Sigma nia oin,kinta 25 Novembru.

Image
Alberita de Jesus
Alberita mai husi distritu Aileu, oras ne’e dadaun hela iha Becora Dili, dadersan lori nia has sai husi uma haleu Dili laran to’o kalan mak fila, loron la hanoin atu han.







Has nebe nia fa’an, tali ida ho folin U$ 0,50 Cent, iha oras nebe mak CJITL online hasoru Alberita foin hetan U$ 3;00 dollar.

Nia haktuir katak Fa’an loron ida hetan U$8;00 – U$10;00 dollar, dalaruma hetan deit U$ 5 loron ida.

“Maske loron manas hau la’o nafatin hodi buka osan ba hau nia inan aman sira nebe mak hela iha Aileu, hodi fo ba hau nia alin sira eskola” Nia informa.

“Ita husu bebeik ba governu mas sira la halo buat ida” (Reportajen Domingos da Silva)

No comments:

Post a Comment