My photo
Um escritor, um poeta, um aventureiro,

Monday, 29 June 2009

Se Governu la disponivel osan, entaun Timor Leste sei la partisipa iha 2 Jogos Lusofonia

Se governu Timor la disponivel osan, entaun delegasaun Timor Leste nebe halo preparasaun duranti fulan hirak ne'e nia laran iha Timor Leste sei la partisipa iha segundo jogos lusofonia nebe atu halo iha Lisboa iha fulan Julhu nia laran.

Tuir informasaun hosi Timor, hateten katak delegasaun Timor hamutuk ema atus ida (100) hosi parti kultura no desporto prepara duranti fulan hirak nia laran atu partisipa iha 2 jogos lusofonia.

João Viegas Carrascalão, presidenti Comité Olímpico Timor Leste nian oras ne'e dau-daun halo hela kontaktu ho entidadis hosi rai liur (le; exterior) hodi buka tulun ba delegasaun Timor.

"João Viegas Carrascalão hakas-an atu lori netik modalidadi ida ou rua iha segundu jogos lusofonia ida ne'e.", hateten Timor oan ida.

"Ema barak maka senti triste i la kontenti kuandu rona katak governu la iha osan ba eventu hanesan ne'e. Duranti ne'e, tantu hosi parti kultura no desporto, ema treinu la para.", hatutan Timor oan ne'e.

Timor oan barak hosi Inglaterra nebe prepara atu fo'o suporte ba delegasaun Timor iha 2 jogo CPLP kansela sira nia viajem atu ba Lisboa hafoin rona tiha katak governu Timor la disponivel osan hodi selu delegasaun Timor iha 2 jogo CPLP.

Segundu jogos lusofonia ho tema "A Uniao Mais Forte Que A Vitoria", sei halo iha loron 11 to'o 19 fulan Julho, iha cidade Oeiras no cidade Almada, Lisboa. Sei partisipa iha 2 Jogos Lusofonia: Angola, Brasil, Cabo Verde, Guine-Bissau, Macau, Mozambiki, Portugal, Sao Tome i Principe, Guine Ekuatorial, India no Sri Lanka.

Primeiru Jogos Lusofonia halo iha Macau iha 2006 nebe Timor Leste halo mos parti, hodi hetan medalha bronze ida.

Atu hatene konaba 2 jogo lusofonia bele hare iha:
http://www.lisboa2009.org/Default.aspx?tabid=36

Fim


Celso Oliveira

1 comment: