My photo
Um escritor, um poeta, um aventureiro,

Saturday, 9 May 2009

Xanana laos korupto dehan Mari Alkatiri

Mari Alkatiri, eis primeiru ministru TL no Sekretariu Jeral Fretilin hateten katak Xanana laos koruptu maibe ema sira nebe besik Xanana maka korupto. Lia fuan hirak ne'e Mari Alkatiri hateten iha sorumotuk ho militanti Fretilin iha loron 3 fulan Maio, iha hotel Tivoli, Lisboa.
"Xanana laos korupto. Se maka korupto maka sira nebe fo'o apoio no hamutuk iha ekipa laran", dehan Alkatiri.
Iha biban ida ne'e mos lider opozisaun nia bo'ot, Mari Alkatiri hateten katak iha 2006 no 2007, Xanana hanesan kabide ida nebe hotu-hotu hakarak tabele ba, maibe agora lahatene se maka tabele ba se tamba hotu-hotu hakarak iha poder no osan petroliu nian.

13 comments:

  1. Afinal senhor Alkatiri mos consciente ona katak Xanana laos Korupto maibe ema sira halai tuir nia ne´e mak korupto...? Lia-fuan hirak ne´e nia nain mak Mario Carrascalao...Mari keta sai fali porta-poz Carrascalao karik tan repete saida mak ema seluk dehan ona iha 2006.

    Ema sira tabele tuir Xanana iha 2006 tan ba saida? Mari karik haluha tiha ona: argumento balun mak:

    1). Fretilin Mudança hetan ameasa tan Fretilin radikal lori kilat tama ba II congresso Fretilin hodi suporta eleisaun "braço no ar" nebe democratico teb-tebes tuir Mari Alkatiri ho Lu´olo nia hanoin. Do que mate, diak liu buka dalan seluk;

    2). Fretilin mudança, partidos oposicao, intelectuais no lideres religiosos balun tama lista mean. Karik sei oho hotu tan kontra politica Fretilin radical. Facto mak grupo milicia secreta ka esquadrao de morte existe no ninia comandante operacional Rogerio Lobato tama komarca maibe hetan ona salvasaun husi Ramos Horta, no apoio husi Fretilin Radical;

    3). Xanana ninia politika kontra regime ditador Soeharto. Normal se Xanana contra politica Fretilin radical nebe ukun tuir lekrauk to´o tinan 50;

    4). Ema hotu nebe Fretilin radical ka companhia limita bolu halo "tabele tuir xanana" ne´e hatene tiha ona saida mak ditadura no ninia consequencia. Alkatiri habitua ona ho ditadura ka demokrasia artidaria iha africa no hakarak hanoin fali em Timor kona ba oinsa ukun. Oin sá mak ema bele tuir? Diak liu halai tuir linha nebe ita ka ema barak liu hatene no consciente katak Timor iha Asia no labele monu tan ba opressos sira nia liman.

    5). Lalika mehi atu ukun...ema sira tabele tuir Xanana ne´e la fila ona. Ema sei la tabele tan Mari Alkatiri ho nia companhia limitada...

    Ita hein hodi haré

    Danilo Guterres

    ReplyDelete
  2. Alkatiri iha resan, Xanana la'os korruptor, korruptor mak sira nebe'e iha Xanana nia sorin. Oin-seluk ho Governo sira uluk nian, korruptor mak Alkatiri, la'os sira nebe'e iha Alkatiri nia sorin. Hare deit Alkatiri hariku nia an ho familia sira liu husi dalan legal (halo lei hodi hariku an) ho ilegal nian.
    Buat ida mak Alkatiri keta halu, nem ema hotu hale'u Xanana mesak korruptor hotu.

    2006 ho 2007 mos ema balu de'it mak tabele ba Xanana. Nem ema hotu tabele ba Xanana. Ema barak la'o hamutuk ho Xanana tanba kebetulan iha hanoin ho estrategia hanesan hodi tebe sai korruptor ho ditador Alkatiri husi poder.

    Marcha da Paz mos hanesan mehi ida nebe'e la realiza to'o ohin loron. Alkatiri keta mehi atu hetan hikas poder nebe'e lakon tiha ona.

    Ema hotu ba deposita nia osan iha Alkatiri nia Banco, alias ema hotu tau konfiansa ba Fretilin ho Alkatiri iha 2002, maibe Alkatiri kokir mos ema nia osan/konfiansa, ema agora dada hotu nia osan/konfiansa husi Alkatiri nia banco/partido, neduni keta mehi atu ema ba tau hikas fila osan iha Banco/partido Alkatiri nian. Mehi ukun 500 anos ne'e hela ba mehi mamuk ida.

    Fera Iritakla

    ReplyDelete
  3. Lia fuan "tabele" ka "kabide" ne´e kapas tebes atu ita hao reflesaun wit-oan. Lia fuan ne´e halo ita hamnasa wit-oan tuir maluk ida primeiro kmentador ne´e hateten "Alkatiri tabele" tuir Carascalao nia hanoin nebe dehan ona iha 2006 "ema barak hakarak moris deit iha Xanana nia imagem ka mahon". Hau simu realidade nune´e duni maibe ne´e mos normal tan ita nia demokrasia nurak hela no ema barak aprende halo politika. No mos, bele halai tuir anin deit depende nia hu´u oportunidade ba iha nebe...! Ne´e duni se mak sente-an experiente liu iha politika ka iha prinsipiu metin bele ajuda hirak nebe monu tuir laloran ne´e ba fali dalan los laos kritika deit. Solusaun mak nebe???

    Husi sorin seluk, Alkatiri refere ka soe li ba "Fretilin mudansa" mak "tabele" tan ba unika faksaun Fretilin ne´e mak apoia AMP no kontra faksaun "Fretilin Maputo". Se tuir hau dehan ne´e entaun relasaun Fretilin Mudanda ho Fretilin Maputo sei sai kroat liu tan deit. Basa Mari Alkatiri laiha liu razaun atu deskuti akontesimetnu hirak mosu iha 2006. Responsabilidade moras ho politiku Alkatiri nian iha nebe?

    AMP la tama iha konseitu "tabele ho kabide" tan ne´e plataforma pós-eleitoral nebe Fretilin Maputo rasik lakon. Se Fretilin Maputo lakon halo koligasaun ne´e problema interna Fretilin nian. Konstituisaun nebe Fretilin halo la exclui hipótese kriasaun AMP agora dau-daun no mos Fretilin ho nia aliadu sira hamutuk sai MPO - Maioria Parlamentar iha OPosisaun nebe Mari Alaktiri ho Lu´olo mak porta-voz so que Lu´olo kala iha trabalho de kasa barak ne´e duni kleur ona mak la koalia hanesan uluk "comportamento anti-democratico, anti-kosntitucional, golpista, etc". Agora Lu´olo nonok ona tan hatene ona buat balun nebe nia dehan ne´e sala no se hakerek deklarasaun hirak iha letene iha exame laran (curso direito) mos sei la hetan aprovasaun husi dicente sira. Tan koalia arbiru deit! Alias tabele tuir Mari Alkatiri!

    De facto, Rogerio Lobato ho Roque Rodrugues sai comandate operasional iha 2006 (arma sivil ho kilat F-FDTL no PNTL) nian hodi defende partidu ne´e los duni!

    Fretilin mudansa ses ka tabele tuir Mari Alkatiri hateten ne´e la sala tan sira matenek, la hakru´uk ba violensia politika, la monu ba mate-bian soeharto nia liman ain sira agora halo parte Fretilin Maputo ne´e.

    Susar duni ba Familia Fretilin hamutuk fali se Mari Alkatiri hela nafatin nudar secreta´rio ilegal da Fretilin Maputo nebe eleito ho "sistema foti liman"!

    Labadaen

    ReplyDelete
  4. Alkatiri mos tabele dor ida. Tabele ba Lu Olo ho Fretilin. Karik la'o mesak hanesan Xanana halo partido foun, Alkatiri ninia partido agora nem tama PN tan.

    Alkatiri mos dala ruma tabele ba Xanana. Kose Xanana sai cehefe negociador ba Tasi Timor, la jadi. Ikus liu kose fali Xanana sai chefe delegasaun ba Guine. Ida oan ne mak jado netik. Maukose ida ba ataka maukose seluk, la manu aman liu

    ReplyDelete
  5. hetan Porsentu husi Mana LB karik ne mak defende los manu LUcia oan 1

    ReplyDelete
  6. ia jelaslah Xanana itu bukan korputu tapi, yang tabele dor itu lah yang mebuat nama Xanana jadi kotor dan bau.
    masa seorang Xanana bisa koruptor kan musatail, kasihan sekali maun bot Xanana kebaikan Xanana di manfaatin oleh kaum oportounnis,(dulu penetang kemerdekaan) dan juga orang-orang pro kemerdekaan yg punya interese iha laran, halo Xanana sai Ayam potong, halo Xanana sai dilematis, foti ida neba la diak, foti ida ne'e mos la diak, maun bot Xanana se ita bot nune'e nafatin pasencia ami povu sei kiak at liu tan, ema naok ten sira iha governu sei riku liu tan, agora ita bot hasai mos tauk tamba deit ita bot tauk AMP rahun. se nune'e nafatin TImor sai oinsa los, maun bot Xanana ita bot tenki tegas keta lemah demais iha ema sira ne nia oin, maun. ema dehan inimigu iha liur ladun bahaya mais iha sumasu laran mak bahaya liu. ne'ebe maun kuidadu ba, hare ba tegas hanesan uluk iha ailaran labele lemah iha maufeuk sira nia oin para sira aproveita ita bot nia laran diak ne'e hodi supa sai tiha povu nia riku.
    Rai nain hader ona ba fo fali ona kbit ba Xanana atu bele matan mos no neon nai hodi hasai ema naok ten sira iha governu AMP. kalo bisa maun bubarkan tiha deit governu AMP, duke dibubarkabn halo ita bot nia naran bot sai monu no ita bot moe iha ita nia povu nia oin no iha mundu nia oin.
    husi OAN TASI

    ReplyDelete
  7. Xanana La os Korupto dehan Alkatiri.

    Lia fuan Korupto nee hanesan lisan at ida, no hanesan mos fatuk ba haksoit (batu loncatan) politik nain 1975 sira no politik nain foun kakutak heransa 75. Se deit mak hakarak sai Heroe hypocracia ba frase corupsaun. Lia fuan korupsaun sei sai nafatin lia midar iha ibun politik nain sira durante sira nia luta ba hetan kadeira mamar, kareta Prado, Oin leno iha media RTTL, RTP no jornal oi oin ho sira nia retorika nebe ita nia tilon ten sira sai haksoit sai hotu maibe korupsaun la lakon maibe buras tan mak iha.

    Politik nain sira nee tuir ema dehan ho lian Mambae katak Out of Date polititian or post colonial polititian. Katak sa? Gerasaun sira nebe aprende politika hosi colonialismo. Nasaun Koruptos no terseiro mundo barak mak sira nia lider maioria aprende politika praktis la os politika teoria academico tan iha sira nia tempo colonialista mak ukun sira la iha formasaun academico Exemplo mak Soeharto, Robert Mugabe,Marcos no barak tan iha mundo. Ho nune sira kuando ukun haluhan tiha sira nia base prinsipio nebe sira kaer iha politika ba bein estar comun katak diak ema hotu nian. Politik nain sira nee la iha base metin ka prinsipio politika loss iha sira nia kakutak. Sira nia knaar mak nee oin sa hadau kadeira ho meios oin sa deit. Maibe sira haluha tiha katak sira la os lao ba kotuk maibe lao ba oin,to ona iha rai koak mak hakfodak mas hein monu deit ona la bele tan atu salva tan sira lao ho tilun diuk no matan delek tan osan nakonu iha oin.

    Ukun nain matenek besik iha ita nia visinho mak hanesan, Dr. Mahatir Mohamat hosi Malaysia, nebe konsege lori nasaun nee ba iha desenvolvimento makas no avansado iha Asia, tuir fali Dr. Li hosi Singapura. Indonesia mos komesa reforma iha korupsaun no democrasia hosi Dr. Susilo Banbang Yudoyono nebe agora ne manan tan elesisaun ba segunda parte. Ne hanesan lisaun ba Timor Leste atu aprende. Lider nain tolu iha leten nee formado iha Universidade Inglatera no Estados Unidos U.S. Sira hatene sa mak sira atu halo ba ema hotu nia diak,sira hatene sira nia dignidade pesoal no academico as lio buat hotu iha mundo.


    Ukun nain diak tenki, kaer metin dignidade pesoal la bele troka ho materia osan ou formas seluk (Arsole,1978).

    Writen by:
    E.Da Cruz

    ReplyDelete
  8. Belun sira hotu,

    Hau atu dehan deit katak importante tebes ba ita Timor oan atu harii Unidade ida ne'ebe metin. Selae ema husi liur sei aproveita ita nia situasaun hodi halo ita moris lahakmatek. Diferensia ideas entre Mari no Xanana ne'e ema seluk mak aproveita fali hodi hamosu krize iha ita nia rai laran. Tebes belun foin sa'e sira, ita nia nasionalizmu agora ne'e mihis ba dadaun tanba interese partidaria no interese privadu. Ida tan maka ita nia egoismu halo ita tau tiha interese nasaun nian ba kotuk hodi hanoin mak oinsa atu hatun malu. To'o ikus ema aproveita ita maka sai fali vitima. Loke matan hodi hare politika rai laran nomos liga ba politika rai liur nian, liu-liu ita nia nasaun vizinhu sira. Timor riku demais no fatin ne'ebe estratejia demais iha zona Asia, tanba ne'e maka ema hotu tau sira nia interese iha ita nia rain. Husu ba maun alin sira atu hare situasaun politika ita nia rai laran ho ran malirin, ho kakutak malirin atu labele monu ba manobra ema seluk nian.

    Ema soe kail mai ita, no ita Timor oan duni maka han kail ida ne'e. No bainhira ita han kail ida ne'e entaun ita maka sei sai vitiama. Ne'e duni Loke matan ba maun alin sira. Timor nasaun joven, ita labele sai diak iha tinan ida ka rua nia laran, problema ne'ebe ita hasoru agora dau-daun ne'e, rai seluk ne'ebe ukun an keleur tiha ona mos sei hasoru nafatin.

    Importante mak ita tau hanoin ida katak ita labele sai nasaun hansesan iha afrika ka ou iha ASEAN balun ne'ebe laiha establidade politika. Bainhira ita laiha establidade politika entaun nasaun seluk maka sei impoin sira nia interese ba iha ita. Kuidadu ba ida ne'e! Keta hanoin katak ukun an tiha ona be laiha ona inimigu, ka ameasas husi liur. Ne'e ita salah ona! Tenke neon nain no matan moris nafatin.

    Hakuak boot,
    Gagita!

    ReplyDelete
  9. Eu so quero ver como vai ficar a cara dos lacaios lambe-botas que andam atras do Xanana quando descobris todos os podres que esta por detras da figura carismática dele. O melhor que ele podia ter feito era aproveitar toda aquela fama que ele tinha como héroi e ficar em casa a cuidar dos filhos porque está mais doque provado que ele não tem capacidade para estar a frente de um país, muito menos de um país que precisa urgentemente de pessoas competentes e trabalhadoras e nao de pessoas oportunistas e corruptas.
    Quero ver se o sr celso tem coragem de publicar este comment....

    ReplyDelete
  10. Ita iha timor leste ninia lisan no hanoin mak nee nunka atu konsidera ita nia frakaso/falhanco hodi buka hadian. Kuando ita halo falhanco ita sempre buka skipgoat (kambing hitam)ita dehan o nee tan interferencia ema lior hakarak estraga ita tan ita riku demais. Hanoin hanesan nee hanoin klot no hanoin halai ses responsablidade, se ita forti no iha kapasidade nunka se akontese buat ida no la iha ema seluk tama iha ita nia rain.

    Nasaun strategia no riko mak ita nia visinho Indonesia tan sira nia rai boot rekursu naturais barak no populasaun boot 230 milhoens iha Asia. Ita Rai ilha rohan sorin ho populasaun milhao ida resin.

    Fasil ba funu hasoru ema seluk nebe la os ita nia uma laran maibe defisil ba funu hasoru ita nia uma laran rasik.

    Se karik ita hakara halo mudansa diak lio halo mudansa ba ita nia an rasik antes halo mudansa ba ema seluk.

    Se ita boot bele muda ita boot nia an, ita boot bele muda ema seluk no bele muda sociadade nee mak hau nia philosofia.

    E.Da Cruz

    ReplyDelete
  11. Arabi naukten keta mehi atu ukun fali ami Timor. Timor oan tengki ukun duni nia an laos ba import fali Arabi koruptor nee.

    ReplyDelete
  12. Timor beikten sira mak hakarak ema rai seluk ukun sira nafatin. Uluk malae mutin ukun, ikus mai Indonesia ukun, seidauk to'o, balu sei hakarak arabi sira mak ukun tan. Agora arabi naukten ho lohidor ida, dehan nia mak matenek liu hotu Timor oan sira. Keta matenek liu Timor beiten sira iha Fretilin nebe tane naukten ne nafatin. La hatene los, bainhira los timor ukun an?

    ReplyDelete
  13. Dehan ba dehan mai hanesan deit. Baku ibun iha oin iha kotuk eme ida deit. Sira nee troka faru iha oin maibe kamizola ida deit. Aat ka diak sira hotu hatudu sira nia kbiit ona, katak sira maka hahu funu. Ita la nega Alkatiri ninia vizaun uluk nian too ohin loron no nia moris ho ninia prinsípiu nafatin. Xanana mos karik ema hotu hatene nia ema heroi ida, maibe hanesan mos saselu Alkatiri nian, tanba nia maka fo dalan. Ita valoriza ema seluk nia heroíku, maibe dala barak ita rasik lakon ita nia kbiit rasik. Foti ema saeluk maibe ita rasik mos hanesan ema vítima ida. Ba hau hanesan deit. Sira hetan uluk oportunidade nee hanesan sira nia sorte, no laos buat hotu-hotu mosu husi sira.

    ReplyDelete