My photo
Um escritor, um poeta, um aventureiro,

Tuesday, 26 May 2009

Lansamentu JORNAL HAKLAKEN

IV GOVERNU KONSTITUCIONAL
Gabinete Primeiru-Ministru

Departementu Komunikasaun

Dili. Objektivu IV Governu Konstitucional nian maka Desenvolvimentu Nasional ne’ebe sustentavel no progressu ba Nasaun Timor-Leste.
Atu akkansa ba objektivu bot ida ne’e IV Governu Konstitucional ne’e halibur hamutuk liu husi AMP, iha ninia kompromissu maka: Reforma no Mudansas.
Reforma ba sektores sira hanesan:Seguransa no Defesa,Administrativa no jestaun Financeira.

Mos iha tali ne’ebe maka kesi metin AMP maka aposta iha mudansas, mudansas ba politika no mentalidade.

Responsabilidade ba Komunikasaun Gabinete Primeiru-Ministru nian, adopta linyas orientasoens tolu (3): Ida (1); produs informasaun positive hodi halekar no haklaken ba emar tomak. Rua (2); Kontra informasaun negative ne’ebe mai husi ne’ebe deit, husi se deit, ne’ebe ho ninia finalidade hakarak kontra Konstituisaun RDTL, kontra kompromissu IV Governu Konstitucional ba “Reforma no Mudansas”, ne’ebe ninia objektivu maka Libertasaun Nasional. Tolu (3); Lansa tema ba debates ka Haksesuk.

Hamosu “Jornal Haklaken” hanesan materializasaun husi linyas orientasaun Departementu Komunikasaun Gabinete Primeiru-Ministru, atu habelar no tatoli informasaun konaba kompromisu IV Governu Konsticional nian liu husi “Programa IV Governu Konstitucional" ne’ebe aprova ona iha Parlamentu Nasional. Ninia materializasaun liu husi aktividades ne’ebe alkansa ona, ne’ebe buka haklaken konaba sucessu iha sektores hanesan: Politika Sosial, reforma sektores seguransa no defesa, reforma ba jestaun financeiru no reforma iha sektores sira seluk.

Jornal Haklaken hamosu hodi hatou no haklaken saida maka IV Governu Konsticional halo ona no sei halo tan iha tinan hirak mai ne’e. Jornal Haklaken mos akompanya nafatin IV Governu Konsticional ninia servisu hodi hanai ita nia emar (Povu) no ita nia rain (Nasaun) Timor-Leste to’o 2012!

No comments:

Post a Comment