My photo
Um escritor, um poeta, um aventureiro,

Wednesday, 22 April 2009

Inagurasaun ba Komisaun Nasionál UNESCO Timor-Leste nian Lansamentu feira ba públiku durante loron 3 kona-ba kultura no edukasaun

Dili, loron 20, fulan-Abril,tinan 2009 – “Semana ida-ne’e inagurasaun ba Komisaun Nasionál sei sai nu’udar momentu istórika ida iha Timor-Leste nia moris nu’udar Estadu Membru ida Nasoins Unidas nian”, Kristy Sword Gusmão hateten, ne’ebé nia maka sei sai Prezidente Komisaun Nasionál foun ne’ebé sei hala’o iha Merkadu Lama, Dili iha loron 23, fulan-Abril.

“Komisaun Nasionál hosi Organizasaun Nasoins Unidas nian kona-ba Edukasaun, Siénsia no Kultura (UNESCO) sei kaer papél lideransa ida hodi apoia governu atu dezenvolve objetivu iha siénsia, edukasaun no kultura iha Timor-Leste”, Kristy Sword Gusmão hateten. Sra. Sword Gusmão subliña prioridade foun Komisaun nian, inklui:
• Edukasaun ba labarik sira hosi tinan ki’ik, hodi foka ba envolvimentu inan-aman sira iha prosesu ida-ne’e
• Dezenvolvimentu kurríkulu ba tinan 9 ensinu báziku nian, hodi foka ba edukasaun sientífiku inklui dezenvolvimentu profisionál ba profesór sira no dezenvolvimentu ba fasilidade laboratóriu siénsia nian.
• Polítika ba lian no dezenvolvimentu kulturál .
• Dezenvolvimentu instituisaun edukasionál no kulturál, liuliu ba estabelesimentu biblioteka no muzeu nasionál, múzika nasionál no eskola belas-artes no sentru kultura rejionál nian.
• Prezervasaun ba patrimóniu naturál no kulturál Timor-Leste nian.

Timor-Leste anunsia tama ba membru UNESCO iha 2003, maske tuirmai distúrbiu polítiku atraza tiha formasaun ba Komisaun Nasionál ne’e. Iha fulan-Dezembru tinan kotuk membru na’in-20 hosi Komisaun Nasionál ne’ebé hili iha Kongresu Edukasaun Nasionál nian ba daruak, hodi reprezenta grupu sosiedade sivíl sira, denominasaun relijiozu sira, Governu no Parlamentu Nasionál.

Serimónia inagurasaun ba Kinta-feira nian sei hala’o iha inísiu festivál kultura no siénsia ba loron 3 nian iha Sentru Ezibisaun Merkadu Lama, Dili.

“Ami prepara mós feira livru-Tetun durante loron tolu, ami aprezenta selesaun oioin kona-ba livru sira ne’ebé publika iha Tetun durante tinan sanulu liubá,” Sword Gusmão hateten. “Espera katak estudante barak maka sei vizita feira ne’e no hola parte iha atividade edukativu sira inklui ezibisaun kona-ba siénsia, ezibisaun dinosauru, eventu kulturál no workshop. Ami kongratula membru komunidade tomak atu mai vizita feira ne’e no atu diverte selebrasaun ba kultura no aprendizajen ida-ne’e.

For details, contact:

1. Mr. Apolinario Magno, Director General, Ministry of Education and Secretariat of TL National Commission (email: apolimagno@gmail.com; mobile: 7363583)

2. Mr. Remegio Alquitran, PIU Manager and UNESCO Liaison for TL National Commission (email: r.alquitran@unesco.org; mobile: 7240944)

Fonte: Timor Today, 22/4/09

No comments:

Post a Comment