My photo
Um escritor, um poeta, um aventureiro,

Thursday, 26 March 2009

Presensa Petisionarius nian iha Distritos tomak maka kontribui ba redusaun votos Fretilin iha 2007, konsidera Nakfilak

Jose Manuel Fernandes (Nakfilak), deputadu Fretilin, konsidera katak presensa Petisionarius nian iha Aldeias no Sucos tomak maka kontribui ba redusaun votos ba Fretilin iha eleisaun 2007.
Iha artigu ida naruk (tahan 16) ho titulu "Resposta ba DR Maubocy husi Jose Manuel Fernandes (NAKFILAK)", Jose Manuel explika konaba nia passagem historiko iha resistensia da Libertasaun Nasional hosi tinan 1982 - 2009, hodi mos lansa kritika maka'as kontra Vicente Maubosy, dirijenti Fretilin Mudansa (F Mudansa).

"DR Maubocy, ema hotu hatene ona, tan sa mak Fretilin hetan redusaun votos 2007, lalika bosok tan ema ona, presensa PETICIONARIO nian iha Distritos hirak nebe, tuir ami konsidera mais afektados ne'e mak kontribui maka'as ba redusaun hirak ne'e, la'os tamba DR Maubocy nia influensia lae!"

Nakfilak konsidera mos katak duranti krisi 2006, militante Fretilin senti ameasadu ho presensa petisionariu nian iha distritus tomak.

"Hau fo kasian ba DR Maubocy, kasian tamba DR Maubocy so hare deit ba factor numeru, la hare ba factor seluk, tamba eleisaun 2007 iha instrumentu bo'ot ida mak DR Maubocy ho nia aliados sira usa iha tempo neba, presensa
PETICIONARIO nian iha Aldeias no Sucos tomak iha Distritos hirak mais afektados iha krise ne'e, psikologikamente, militante FRETILIN sente ameasado ho presensa sira nian e automatikamente kontribui dunik ba redusaun de votos. Ne'e mak leitura nebe ami halo ba situasaun iha tempu krise 2006".


Nota hosi blog nain: Atu hetan artigu "Resposta ba DR Maubocy husi Jose Manuel Fernandes (NAKFILAK)", bele loke: http://odanmatan.blogspot.com/2009/03/jose-manuel-fernandes-nakfila-responde.html

No comments:

Post a Comment