My photo
Um escritor, um poeta, um aventureiro,

Thursday, 26 February 2009

Solidariedade ho Povo Sahara Ocidental

IV Governu Konstitusional
Gabinete Primeiro- Ministru

Governu no estadu Timor-Leste, iha ninia kompromisu hodi fó honra ba Povo Sahara Ocidental nebe ninia historia ba funu ba Libertasaun nasional mos hanesan povu Timor-Leste. Sahara Ocidental sai hanesan referencia historika ba funu ba Libertasaun nasional Timor-Leste. Tamba historia ba referendum hahu iha Sahara ocidental iha tinan 1992, ONU atu organiza maibe adia ka la konsegue halo Referendum. Tamba ne´e maka waihira ONU liu husi UNAMET simu mandatu atu organizada Referendum iha tinan 1999, tamba deit Milícia Pró-Indonesia halo violensain, ONU husu atu adia fali Referendum nebe tuir ninia kalendariu halao iha loron 30 fulan Agosto tinan 1999.
Tamba experiencia Sahara Ocidental nian nebe ONU adia referendum, sai hanesan lisan diak ida ba Timor-Leste, tamba ne´e maka CNRT no Presidente Kay Rala Xanana Gusmão hodi hatan ba ONU katak "Ne´e biban ida ba povo Timor-Leste hodi hili ninia direitu ba Auto-Determinasaun".

Ho principiu solidariedade ho Povu Sahara Ocidental, Governu Timor-Leste simu konvite husi Autoridade Saharawi ba tuir loron proklamasaun Republika Árabe Saharawi (RAS), nebe sei halo cerimoniu ba loron bot ida ne´e iha Dahla, Sahara Ocidental, zona libertada, iha loron 27 to´o ba 28 Fulan Fevereiru, iha Dahla, zona Libertada, Sahara ocidental.
Representa husi IV Governu Konstitucional ba tuir cerimonio Frente Polisario nian maka Vice Primeiru-Ministru, José Luís Guterres no akompanya husi Assessor ba Komunikasaun PM no VPM nian, António Ramos da Silva.

Iha surumutuk ho Embaixador RAS ba Argélia, Ibrahim Ghali, iha Hotel…, iha Argel, kapital Republique Algerienne Democratique et Populaire, VPM José Luís Guterres, "reafirma kompromisu moral, historika i politika ho kausa no povu Saharawi. Hatutan José Luís Guterres, apoiu inkondicional husi Governu no Estadu Timor-Leste ba povu Saharawi. Tenik tan José Luís Guterres, solidariedade no fraternidade povu Timor-Leste nian ba povu Saharawi, hatudu liu husi resolusoes sira nebe maka ONU ka PBB hasai konaba kausa Povu Saharawi".

Iha loron Restaurasaun Independência Timor-Leste, iha loron 20 Fulan Maio tinan 2002, Presidente RAS, Mohamed Abdelaziz mos ba asiti nudar konvidadu husi Estadu no Povu Timor-Leste. Iha biban neba mos Parlamentu Nasional mos iha ninia sessão especial ida hodi simu Presidente RAS.
Iha visita ba Sahara Ocidental, VPM José Luís Guterres iha ninia agenda ba surumutuk mos ho Presidente RASW, Mohamed Abdelaziz, Primeiru-Ministru, Ministrus rai liur nian ka relasoes Exteriores no Estrutura Klosan Saharawi nian liu husi UJSARI. Hotu!

Fonte: Gabinete Media PM

No comments:

Post a Comment